web counter
LEXO PA REKLAMA!

SHKARKO APP

App Store
Google Play

E fundit!

x

Lamallari akuza opozitës: Krijuat konflikte dhe përçarje mes shqiptarëve me Ligjin 7501

9 Tetor 2025, 18:21, Politikë CNA

Lamallari akuza opozitës: Krijuat konflikte dhe përçarje mes

Ministri i Drejtësisë, Besfort Lamallari ka bërë një reagim në rrjetet sociale pas replikave me opozitën në seancën e sotme plenare.

Në postimin e tij në Facebook, Lamallari ka akuzuar opozitën se kanë intimiduar krerë të institucioneve të drejtësisë dhe tani mundohen të përfitojnë pikë politike mbi viktimat e një sistemi, sipas tij, të krijuar nga vetë ata dhe që vetëm krijoi konflikte.

Ministri shprehet se opozita me Ligjin 7501 të cilin e konsideron të mbrapshtë, shkaktoi përçarje dhe dhunë mes shqiptarëve. Lamallari ka listuar disa nga drejtuesit e institucioneve të drejtësisë, të cilët sipas tij kanë qenë shënjestër e sulmeve dhe akuzave të opozitës.

Postimi i plotë:

Në mungesë të një alternative të besueshme dhe një mbështetje gjithmonë e më e ulët, u ka mbetur veçse gjuha e urrejtjes, baltës dhe shpifjeve bajate, bashkë me lotët e krokodilit që gëzon sa herë ka viktima!

Është pikërisht kujtesa e një të shkuare që do të marrë fund njëherë e mirë me Shqipërinë evropiane, ajo që revolton çdo qytetar, i cili teksa endet në proceset e panumërta gjyqësore, i duhet të durojë hirin syve nga ata që linçuan, intimiduan dhe përndoqën krerë të institucioneve të drejtësisë, mundohen të fitojnë kapital politik mbi viktimat e një sistemi të mbrapshtë që lanë pas, i cili vazhdon e prodhon konflikte, me viktima qytetarë dhe shërbyes të ligjit!

Futën Shqipërinë në vëllavrasje me Ligjin e mbrapshtë 7501! Strumbullar i sa e sa konflikteve sociale, përçarjeve dhe dhunës mes shqiptarëve! Edhe çështja e fundit e gjykuar nga i ndjeri gjyqtar Kalaja, problem i mbrapshtë pronësie si mijëra të tjera ku shqiptarët ranë në kaosin dhe kurthin e një epoke që nuk do ta pranojë që i ka ikur vakti!

Ish Kreu i nderuar i Gjykatës së Kasacionit, Zef Brozi ishte shënjestra e parë e një sulmi dhe përndjekjeje të paprecedentë që shpëtimin e vetëm kishte arratinë, i cili do të pasohej më pas nga ish-Prokurori i Përgjithshëm Sollaku nën akuzat e ulëta me qëllim të pastër denigrues dhe shpejt pasuesja e tij, Ina Rama, një grua së cilës iu desh të dëgjonte etiketimet më të ndyra ndërkohë që në mes të Tiranës kishte ndodhur një krim shtetëror me katër viktima të pafajshme. Sot, refreni i baltës, presionit dhe akuzave të shfrenuara padyshim ka në fokus Kreun e SPAK!/CNA





Lajmet e fundit nga