web counter
LEXO PA REKLAMA!

SHKARKO APP

App Store
Google Play

"Keni policë për të çuar Suelin te dentisti, por jo për gjykatat"/ Noka: Mbani përgjegjësi

9 Tetor 2025, 11:55, Politikë CNA

"Keni policë për të çuar Suelin te dentisti, por jo

Deputeti i Partisë Demokratike, Flamur Noka, në fjalën e tij në Kuvend tha se qeveria ka policë për të dërguar Suel Çelën te dentisiti, por jo për Gjykatën e Apelit.

Noka tha se ministrat duhet të mbajnë përgjegjësi edhe morale jo të drejtojnë gishtin nga opozita.

"Tani, në çdo vend ku ka qeverisje demokratike, që kanë ndodhur ngjarje shumë më të pakonsiderueshme se kjo që ndodhë në Gjykatën e Apelit në Tiranë, kanë dhënë dorëheqje drejtorë policie, ministra, madje në Austri, për një ngjarje shumë më minore se kjo, ka rënë edhe qeveria.

Ju flisni për një qeveri që do ta çojë Shqipërinë në Europë, ndërkohë që stili juaj i qeverisjes është bizantin.

Është vrarë një gjyqtar dhe këtu ministri i Drejtësisë së bashku me zonjën ministre të Brendshme, në vend që të mbanin përgjegjësi, morale, por edhe ligjore. Por morale në radhë të parë.

Vijnë këtu dhe zgërdhihen para opinionit publik dhe ju i duartrokisni.

Vijnë këtu dhe flasin idiotësira të pashoqe, duke i drejtuar gishtin se fajtore qenka opozita.

Kjo nuk është asgjë tjetër veçse idiotësi.

Ju zotërinj prandaj e keni çuar situatën në Shqipëri në këtë vend sepse trimërohet krimi kur qeveris bashkë me ju dhe është bashkë me ju dhe ka mbrojtjen tuaj.

Sepse nuk keni policë të mbroni Gjykatën e Apelit, por për ta shoqëruar Suelin te dentisti nga Elbasani në Tiranë, me makinë policie dhe policë, keni policë.

Ja pra, kjo është e vërteta. Jo më larg se para dy javësh",  tha Noka./CNA

 

 

 

 





Lajmet e fundit nga