web counter
LEXO PA REKLAMA!

SHKARKO APP

App Store
Google Play

Konferenca e 3-të e Mbrojtjes Kibernetike/ Rutte: Tastiera është armë lufte, mund të aktivizojë nenin 5

9 Tetor 2025, 09:16, Politikë CNA

Konferenca e 3-të e Mbrojtjes Kibernetike/ Rutte: Tastiera është

Sekretari i Përgjithshëm i NATO-s, Mark Rutte, ka marrë pjesë në Konferencën e 3-të të Mbrojtjes Kibernetike që po mbahet në Tiranë, përmes një videomesazhi.

Rutte deklaroi se sot tastiera është një armë lufte, por NATO po bëhet më e fortë.

Kreu i NATO-s deklaroi se në aleancë askush nuk qëndron i vetëm, por të gjitha vendet janë bashkë ndaj çdokujt që kërkon të dëmtojë.

"Mirëmëngjes të gjithëve aty në Tiranë!

Kënaqësi e madhe t’i drejtohem konferencës dhe më vjen keq që nuk jam dot i pranishëm.

Sot tastiera është armë lufte drejtuar secilit prej nesh. Në përgjigje të spiunazhit dhe sulmeve digjitale NATO po bëhet më e fortë. Shkelja e hapësirës kibernetike mund të aktivizojë nenin 5.

Ne kemi bërë stërvitje dhe po ngremë një komandë për sulmet kibernetike, personel civil nga e gjithë NATO janë mbledhur aty.

Në Hagë ramë dakord se do të rrisim shpenzimet në 5%.

Po kështu vendet janë përgjegjëse për mbrojtjen, por NATO po siguron rrjetin, NATO është aleancë vlerash, askush nuk qëndron i vetëm, por qëndrojmë bashkë ndaj çdokujt që kërkon të na dëmtojë", deklaroi Rutte./CNA

 





Lajmet e fundit nga