web counter
LEXO PA REKLAMA!

SHKARKO APP

App Store
Google Play

E fundit!

x

Mblidhet Asambleja e PS-së në Vlorë/ Prezantohet kandidatja për bashkinë

8 Tetor 2025, 20:31, Politikë CNA
Mblidhet Asambleja e PS-së në Vlorë/ Prezantohet kandidatja
Brunilda Mersini

Asambleja e Partisë Socialiste në Vlorë ka zhvilluar sot një mbledhje ku ka prezantuar Brunilda Mersinin, kandidaten që do të garojë për drejtimin e bashkisë. Ajo u prezantua zyrtarisht para të gjithë strukturave të PS në Vlorë.

I pranishëm gjatë prezantimit ishte dhe drejtuesi politik i qarkut të Vlorës, Bledi Çuçi, i cili shoqëruar nga Mersini dha një prononcim për mediat. Çuçi tha se pas zyrtarizimit të kandidates është nisur dhe organizimi i punës për fushatën.

“Pas zyrtarizimit të kandidates Bruna Mersini në kryesinë e PS dje në Tiranë, filluam mënjeherë nga organizimi i punës për fushatën për zgjedhjen e kryebashkiakut të Vlorës. Jam i kënaqur me gjithë mobilizimin e strukturës së PS në Vlorë dhe jam i bindur se do të arrijmë rezultate pozitive.”, tha Çuçi.

Mersini foli gjithashtu për gazetarët ku tha se nëse zgjidhet kryebashkiake do të krijojë ura komunikimi për qytetarët vlonjatë dhe do ta transformojë Vlorën në një qytet që do të jetë i tërheqës jo vetëm gjatë sezonit veror por edhe në dimër.

“Ndjesia e parë e kandidimit është patjetër emocion, por edhe përkushtim dhe përgjegjshmëri. Kur kam marrë vendimin për të kandiduar si deputete ishte një nga vendimet më te vështira sepse u detyrova të lija profesionin e mjekut. Pastaj pashë që në atë profesion ndihmoja një fashë të vogël njerëzish. Ndërsa në cilësinë e kryebashkiakes do të kem mundësi të ngre më shumë ura komunikimi për komunitetin.

Kur e mësova se do isha kandidate , mendova që Vlora është një qytet që ka dinamika. Presim ta bëjmë Vlorën një derë të hapur për Europën, një brand ekonomik dhe industrial, dhe të jetë një qytet i jetueshëm edhe në dimër. Të jesh e para grua është sfiduese dhe ndjenjë përgjegjësie se duhet të lësh emrin e mirë të një gruaje. Besimi që qytetarët më përcollën ishin shtysa dhe premtoj se do të bëj më të mirën për ta.”, tha Mersini./CNA





Lajmet e fundit nga