web counter
LEXO PA REKLAMA!

SHKARKO APP

App Store
Google Play

E fundit!

x

Akuzat nga opozita/ Sara Mila: E kishin mbushur mendjen top, duhet ta luaja dhe unë tangon

8 Tetor 2025, 19:21, Politikë CNA

Akuzat nga opozita/ Sara Mila: E kishin mbushur mendjen top, duhet ta luaja dhe

Sara Mila ka qenë një nga emrat më të lakuar në politkë gjatë zgjedhjeve të 11 majit teksa kandidonte për mandatin e deputetit.

Gjatë një interviste në Radio Tirana 1 deputetja e PS-së, ka folur për akuzat që janë hedhur ndaj saj nga opozita gjatë fushatës elektorale.

Ajo është shprehur se, ishte një akuzë përballë saj dhe nuk kishte mundësi të shprehej.

“Shikoja sesi lajmet e rreme shiteshin si të vërteta ditën për diell dhe unë nuk kisha një mundësi për të vërtetuar të kundërtën. Ishte një akuzë përballë meje dhe unë nuk kisha mundësi reale të justifikoja veten, sepse do dukesha edhe më keq, pasi disa njerëz e kishin mbushur mendjen top që ashtu ishte.Në telefonin tim kam pasur shumë mesazhe dhe ftesa për të reaguar por në asnjë moment nuk pata një fjali: ‘Sara a je mirë nga gjithë kjo që po ndodh? A ke nevojë që ta flasim apo të tregosh një aspekt tjetër të vetes?’ Nuk e gjeta njerëzoren! Kjo më bëri të ndihem akoma më keq!", deklaroi Sara Mila. 

Më tej, Sara Mila tregoi dhe arsyen pse në ditën e parë të saj në parlament kishte vendosur në qafë një shall me akuzat e bëra ndaj saj nga opozita.

“Me kohën kuptova që tangon, të cilën nisi opozita dhe e vazhdoi media, duhet ta luaja dhe unë. Në të kundërt do të strukesha në atë cepin që nuk jam strukur kurrë. Shalli ishte si një detaj për t’i thënë të gjithëve që unë nuk është se nuk i kam dëgjuar çfarë është thënë për mua”, tha Mila.

Deputetja tha se nga akuzat është e ndjerë e lënduar po ashtu dhe familjarët e saj.

“Familja ime nuk ka pasur kurrë një qasje publike dhe aq më pak politike. Janë marrë gjithë jetën me sipërmarrje private dhe nuk e kanë parë politikën instrument miqësor dhe aleat, por si një rregullator të të përditshmes së tyre. Papritur dhe pa kuptuar u ballafaquan me mediet, që jo vetëm nuk i kursyen, por i vunë përpara një gjyqi publik. Unë e di që shumica prej tyre nuk e kanë me Sarën dhe familjen e saj, por me veten e tyre. Prekja e familjes dhe vënia e tyre me shpatulla pas murit për gjëra që nuk kishin lidhje fare me ta, më lëndoi. Dhe ata janë lënduar shumë”, ka rrëfyer ajo./ CNA





Lajmet e fundit nga