E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

"Një prej mureve më të mira mbrojtëse"/ Rama: Përballemi me një sulm kibernetik çdo 3 minuta

9 Tetor 2025, 09:48, Politikë CNA

"Një prej mureve më të mira mbrojtëse"/ Rama:

Kryeministri i Shqipërisë, Edi Rama, ka mbajtur fjalën e tij në samitin e Mbrojtjes Kibernetike të NATO-s, ku nuk kurseu as batutat me të pranishmit.

Duke u ndalur te siguria kibernetike, Rama tha se Shqipëria ka një prej mureve mbrojtëse më të mira të vendeve anëtare të NATO-s.

Kryeministri deklaroi se mesatarisht, ndodh një sulm kibernetik çdo 3 minuta, por arrihet të zmbrapsen. Këto sulme, tha Rama, identifikohen nga Inteligjenca Artificiale në faza shumë të hershme.

Më tej, kryeministri u ndal te sektori privat ku tha se ka ende punë për të bërë, por sulmet kibernetike janë reale dhe ajo që mund të ndodhë është reale.

Në fund të fjalimit të tij, Rama tha se është i vetmi në qeveri pa një doktoraturë dhe është thjesht një artist.

“Supozohet të flas gjatë, por do të përpiqem të flas sa më shkurt dhe pse nuk është diçka që e kam virtyt. Ju duhet pak kohë që të shijoni pak qytetin. Qeveritë marrin meritën ose fajin për atë që bëjnë, por nuk marrin kurrë asnjë meritë për atë që parandalojnë të ndodhë. E pamë veten në mes të një sulmi të vështirë kibernetik që synoi krenarinë tonë, infrastrukturën tonë digjitale. I mbijetuam kësaj dhe jam shumë krenar të them që kemi një prej mureve mbrojtëse kibernetike më të mira mes vendeve të NATO-s. Sot ne përballemi mesatarisht me një sulm kibernetik në çdo 3 minuta, por ia dalim t’i zmbrapsim plotësisht. Është IA brenda këtij muri kibernetik që bën punën 24/7 për të zbuluar në faza shumë të hershme potencialin e sulmeve të dëmshme. Na duhet të bëjmë shumë më tepër për të përfshirë sektorin privat dhe për t'i ndërgjegjësuar, që ashtu si vdekja, sulmi kibernetik është real dhe dëmi që mund të bëjë është real. Mbështetur në bashkëpunimin tonë me disa partnerë jo të NATO-s kuptuam që ndërkohë që na ndihmonin ne ata mësonin se çfarë ishte e re. Jam i vetmi në qeverinë time pa një doktoraturë, jam thjesht një artist”, tha Rama.