web counter
LEXO PA REKLAMA!

SHKARKO APP

App Store
Google Play

E fundit!

x

Certifikohen 112 oficerë të rinj sigurie/ Kumbaro dhe Koçiu: Duhet vëmendje maksimale ndaj çdo episodi

9 Tetor 2025, 13:45, Politikë CNA

Certifikohen 112 oficerë të rinj sigurie/ Kumbaro dhe Koçiu:

Ministrja e Arsimit, Mirela Kumbaro, dhe ministrja e Brendshme, Albana Koçiu, morën pjesë në ceremoninë e certifikimit të 112 oficerëve të rinj të sigurisë në shkolla që u mbajt në Akademinë e Sigurisë.

Në fjalën e saj ministrja Kumbaro tha se oficerëve të rinj do t'u lidhen kontratat direkt dhe se fondi i pagave është gati.

Kumbaro u kërkoi oficerëve që të regjistrojnë gjithçka me qëllim që të parandalohen ngjarjet.

“Ju këtu jeni sot 112 oficerë sigurie që keni kryer kursin dhe jeni gati për të filluar punë në ditët në vazhdim. Kemi dhe fondin e nevojshëm të pagave, për t’u lidhur kontratat drejtpërsëdrejti. Është një element shumë i rëndësishëm. Nuk është një figurë me të cilën tradicionalisht shkollat janë mësuar. Është në figurë që qeveria shqiptare e ka futur rishtazi në vitet e fundit në sistemin arsimor paraunivesitar, siç ka futur psikologun, siç ka futur punonjësin social. Asnjëri nga ju, përfshirë dhe mësuesit, nuk mund të jenë të suksesshëm, në qoftë se nuk bëni një bilanc ditor dhe në qoftë se nuk shënoni dhe dokumentoni çdo episod, çdo shenjë, çdo sinjal që mund t’ju duket me vlerë. Është më mirë ndoshta të tregohemi më të kujdesshëm, edhe të ekzagjeruar në kujdesin tonë, sepse çdo sinjal do të ndihmonte në kohë Policinë e Shtetit për të parandaluar”, tha ministrja e Arsimit.

Ministrja e Brendshme Albana Koçiu deklaroi se oficerët e sigurisë në shkolla do të kenë gjithë mbështetjen e Policisë së Shtetit dhe numri i efektivëve në shkollat me shumë nxënës do të rritet.

“Prindërit kur çojnë fëmijët në shkolla i kanë sytë edhe nga oficeri i sigurisë, për faktin se nuk jeni aty vetëm për të siguruar që fëmija është i sigurt, por jeni aty edhe për të komunikuar çdo pasiguri të fëmijës, çdo nevojë dhe për ta përcjellë atë te të gjitha hallkat që sot ndodhen në shkollë. Me Policinë e Shtetit kemi bërë një punë shumë të mirë për të siguruar patrullimet jashtë shkollave, për të garantuar perimetrin e jashtëm jo vetëm nga të gjitha ato ambiente që janë të papërshtatshme për sigurinë e nxënësve, por edhe për të pasur një patrullim të shtuar të forcave të policisë.

Ajo që jemi duke bërë me Ministrinë e Arsimit, është që pikërisht në ato shkolla me numër të konsiderueshëm nxënësish, ne ta shtojmë prezencën e punonjësve të policisë, sidomos gjatë pushimit të madh apo kur mbaron mësimi. Ju do të keni gjithë mbështetjen e Policisë së Shtetit në këtë proces”, tha ndër të tjera ministrja e Brendshme Albana Koçiu./CNA

 

 

 





Lajmet e fundit nga