web counter
LEXO PA REKLAMA!

SHKARKO APP

App Store
Google Play

Binaj kundër Manastirliut/ Ethem Aga zbulon diferencën mes dy kandidatëve

9 Tetor 2025, 18:04, Politikë CNA

Binaj kundër Manastirliut/ Ethem Aga zbulon diferencën mes dy

Ish-kandidati për deputet i Partisë Demokratike Ethem Aga ka folur për kandidatin e opozitës për Tiranën, Florjan Binajn dhe kandidaten e PS, Ogerta Manastirliun.

Në një intervistë, Aga është shprehur se, Manastirliu u vendos nga Rama, ndërsa Binaj është një kandidat i pavarur.

Sipas Agës, Binaj është jo partiak, por vendimi i tij është politik ndërsa Manastirliu nuk ka asnjë projekt por tregon që është thjeshtë zbatuese e Edi Ramës.

“Po ta shohim, Rama e ka vendosur vetë Manastirliun si kandidate për bashkinë e Tiranës. Manastirliu nuk e vendosi të ishte kandidate. Ndërsa, Florjan Binaj zgjodhi të jetë kandidat i pavarur.

Binaj është jo partiak, por vendimi i tij është politik. Ai është një figurë punëtore dhe një figurë e ndershme. Ka një diferencë të madhe nga kandidatura e PS. Gjëja e parë që ka thënë Manastirliu është se do të punonte për të liruar hapësirat publike. Ky mision është i nisur nga Rama. Kjo tregon që Manastirliu nuk ka asnjë projekt por tregon që është thjeshtë zbatuese e Edi Ramës.

Florjan Binaj është një rezultat i bisedimeve të partive opozitare, qofshin aleate ose jo aleate. Ky kandidat është Binaj. Ai ka marrë një mbështetje të madhe nga opozita. Këtu është diferencë e madhe të kandidaturave. Përfaqësohen dy modele të ndryshme. Unë po them që jemi në një udhëkryq, në një situatë politike të jashtzaknshme dhe duhet një zgjidhje të jashtëzakonshme. Florjan Binaj është një model absolutisht demokratik”, është shprehur Aga./ CNA





Lajmet e fundit nga