web counter
LEXO PA REKLAMA!

SHKARKO APP

App Store
Google Play

Binaj: Jam kandidat i qytetarëve kurdo të bëhen zgjedhjet

9 Tetor 2025, 17:15, Politikë CNA

Binaj: Jam kandidat i qytetarëve kurdo të bëhen zgjedhjet

Kandidati në garë për drejtimin e bashkisë së Tiranës, Florjan Binaj ka dalë me një reagim pas vendimit të Gjykatës Kushtetuese për pezullimin e dekretit të Presidentit për datën e zgjedhjeve në kryeqytet.

Në postimin e tij në Facebook, Binaj, i mbështetur nga partitë opozitare, shprehet se kurdo që të caktohet votimi, do të marrin pjesë si kandidat i qytetarëve. Ai shton më tej se deri atëherë do të vazhdojnë të punojnë për të kthyer besimin e qytetarëve te politika e ndershme.

Postimi i plotë: 

Miqtë e mi,

Zgjedhjet e pritshme në Tiranë janë vetëm hapi i parë në rrugën e gjatë që po nisim.

Kurdo që të caktohet votimi, ne do të marrim pjesë me vizionin dhe vullnetin tonë për ndryshim.

Deri atëhere ju ftoj të punojmë çdo ditë për të ndezur në mendjet dhe zemrat e qytetarëve besimin tek politika e ndershme, tek politika e punës, besimin se pushteti buron nga qytetarët dhe duhet të punojë vetëm për qytetarët.

Partia më e rëndësishme, partia më e fuqishme në botë është partia e qytetarëve.

Flori.

Gjykata Kushtetuese ka vendosur sot pezullimin e dekretit të Presidentit Bajram Begaj për datën e zgjedhjeve në bashkinë e Tiranës.  Gjykata Kushtetuese vendosi me vota unanime që ankimimi i ish-kryebashkiakut Erion Veliaj të shqyrtohet në seancë publike më 31 tetor 2025./CNA





Lajmet e fundit nga