web counter
LEXO PA REKLAMA!

SHKARKO APP

App Store
Google Play

E fundit!

x

Pse PD bërtet "fitore" kur ankesa në Gjykatë Kushtetuese ishte bërë nga Veliaj?

9 Tetor 2025, 15:47, Politikë CNA

Pse PD bërtet "fitore" kur ankesa në Gjykatë

Gjykata Kushtetuese nuk ka rrëzuar asnjë nga aktet që kanë shkarkuar nga detyra Erion Veliajn.

Sot Gjykata Kushtetuese thjesht ka marrë në shqyrtim ankimimet e avokatëve të Erion Veliajt, të cilët për të justifikuar ankimimin kanë shtuar në kërkesën e tyre ankimore edhe nenin 115 të Kushtetutës.

Loja e avokatëve të Veliajt konsistonte pikërisht në futjen e një dispozite kushtetuese në kërkesë, me qëllim që nga përfshirja e dispozitës të sigurohej pezullimi i ekzekutimit të dekretit të Presidentit për shpalljen e zgjedhjeve të reja në Tiranë.

Kjo ka ndodhur! Gjykata ka pezulluar zbatimin e Dekretit për zgjedhjet në Bashkinë Tiranë.

Por as shkarkimi i Veliajt nuk është pezulluar dhe as Veliaj nuk është rikthyer në detyrë. Nëse kjo mund të quhet një fitore e vogël e avokatëve dhe Veliajt, nuk kuptohet se pse ngazëllen opozita.

Çfarë fituan demokratët nga vendimi i sotëm i Gjykatës Kushtetuese që lidershipi i Tiranës po gëzon edhe për ta?

Gjykata Kushtetuese ka shpallur datën 31 tetor për shqyrtimin në themel të kërkesës së avokatëve të Veliajt.

Kjo datë e caktuar nga Gjykata për shqyrtimin e kërkesës së Veliajt, e bën të pamundur zhvillimim e zgjedhjeve për Bashkinë Tiranë në datë 9 nëntor, cilido qoftë vendimi i pritshëm.

E mbase kjo është ajo që fitoi opozita.

Në Tiranë nuk do të ketë zgjedhje në 9 nëntor./CNA





Lajmet e fundit nga