web counter
LEXO PA REKLAMA!

SHKARKO APP

App Store
Google Play

“Krijon rreth 30 mijë vende pune”/ Ministrja: Nuk ka projekt të firmosur për Zvërnecin, investim në 15% të PPB-së

8 Qershor 2026, 21:31, Politikë CNA

“Krijon rreth 30 mijë vende pune”/ Ministrja: Nuk ka projekt

Ministrja e Ekonomisë dhe Inovacionit, Delina Ibrahimaj, ndau sot lidhur me investimin në Zvërnec.

Në një lidhje me emisionin “Të paekspozuarit”, Ibrahimaj tha se ende nuk ekziston një projekt i firmosur.

Ministrja u shpreh se shifra që kap vlerën e 4 miliardë eurove, që përbën rreth 15% të PBB-së së vendit, që sipas saj, është një e dhënë që nuk mund të anashkalohet.

Ibrahimaj deklaroi se ky investim pritet të japë një efekt zinxhir në bujqësi, tregti dhe transport, ndërsa synon edhe rreth 20 mijë vende punë të përkohshme dhe 10 mijë vende pune të përhershme.

“Nuk kemi një projekt të firmosur. Qëllimi është të kemi zhvillim të qëndrueshëm. 4 miliardë euro është një vlerë, e projektit të parë të dorëzuar, vullneti i investitorëve për të investuar kap vlerën 4 miliardë euro. Janë rreth 15% e GDP, vlerë e madhe që vjen në vend dhe nuk mund të anashkalohet. Nuk është vlerë që hyn vetëm në sektorin e turizmit, por sipas studimeve ndërkomëbtare dhe tonat, efekti multiplikator i një investimi në turizëm, jep efekt zinxhir në bujqësi, tregti, transport. Është efekt që në kohë të shpejtë, jep gati dyfishim të vlerës së investimit. Kjo përkthehet në vende pune. Bëhet fjalë për rreth 20 mijë vende pune të përkohshme, njerëz që do të angazhohen në ndërtimin e projektit, por edhe 10 mijë vende pune permanente",-tha Ibrahimaj./CNA

 





Lajmet e fundit nga