web counter
LEXO PA REKLAMA!

SHKARKO APP

App Store
Google Play

Protestat në Tiranë/ Nard Ndoka: Ramën dhe Berishën i ka zënë frika nga reagimi i qytetarëve

8 Qershor 2026, 21:09, Politikë CNA

Protestat në Tiranë/ Nard Ndoka: Ramën dhe Berishën i ka

Kreu i Partisë Demokristiane, Nard Ndoka, komentoi sot protestat e ditëve të fundit që po zhvillohen në vend.

Duke folur në “A2 CNN”, Ndoka u shpreh se ideja e qytetarëve aktivë ka acaruar politikanët shqiptarë, pasi i shfaq ata që marrin pjesë në tubime si njerëz që janë larg tutelës politike.

Sipas politikanit, nga njëra anë është frika e kryeministrit Edi Rama dhe nga ana tjetër e opozitës , që mendonte se zotëronte sheshin.

Më tej, Ndoka shtoi se problemi më i madh i sistemit është bllokimi që ka krijuar e majta dhe e djathta, për ta bërë të vështirë depërtimin brenda politikës.

“Është protestë që të jep shpresë dhe besim që ka qytetarë që mendojnë larg tutelës politike. Ishte krijuar ideja që qytetarët nuk reagojnë, që rinia rri vetëm në kafe dhe kjo protestë ka përmbysur komplet fabulën e politikës shqiptare. Prandaj i shohim të shqetësuar e të acaruar politikanët. Nuk e kishte menduar kurrë Edi Rama që qytetarët mund ta kundërshtonin në vendimmarrjen e tij. Rama është i trembur për vdekje, por edhe opozita është vendosur në një pozitë shumë të vështirë, pasi mendonte se sheshi është pronë e opozitës. Problemi është se ne kemi sot një sistem politik të bllokuar nga dy palët dhe është shumë e vështirë ta depërtosh këtë sistem. Në këtë aspekt, ka një lloj shprese, por që të jem realist është në kufijtë e pamundësisë”,-tha Ndoka./CNA





Lajmet e fundit nga