web counter
LEXO PA REKLAMA!

SHKARKO APP

App Store
Google Play

Himçi: Kandidati i PD-së në Cërrik është hequr nga puna/ Balla: 5-0 dilni të dielën

6 Nëntor 2025, 18:32, Politikë CNA

Himçi: Kandidati i PD-së në Cërrik është hequr

Deputeti i PD-së Blendi Himçi është shprehur se drejtoria e Shërbimit Social Shtetëror ka ndërprerë marrëdhëniet e punës për kandidatin e pavarur të Bashkisë së Cërrikut, Amarildo Hoxha.

“Jo më shumë se sa sot një vendim nga drejtoria e Shërbimit Social Shtetëror ka ndërprerë marrëdhëniet e punës për kandidatin e pavarur të Bashkisë së Cërrikut, zotin Amarildo Hoxha. Ndërkohë që ai është në fushatë dhe ndërpritet marrëdhënia për ta bërë formë presioni. Nuk ka model më të keq që gjatë fushatës t’i ndërpriten marrëdhëniet e punës kandidatit vetëm se po konkurron për kryetar bashkie. Doja një këshillë Taulantit shyqyr pas shumë vitesh kur vendoste partinë mbi Shqipërinë, sot ka kthyer mendjen dhe ka vendosur Shqipërinë mbi partinë. E kujton mirë debatin me Ben Blushin Taulanti”, tha Himçi.

Pas kësaj deklarate, reagoi kreu i grupit parlamentar të PS, Taulant  Balla i cili është shprehur me ironi se deri të hënë do të mbetet pa punë.

Më tej u shpreh se, të dielën që do të zhvillohen zgjedhjet e pjesshme për bashki rezultati do të jetë 5-0 për PS.

“Unë nuk e di rastin dhe dënoj çdo lloj rasti të kësaj natyre, meqenëse kandidati juaj kandidon për kryetar bashkie dhe do zgjidhet, pse keni merakun se do ngelet pa punë të hënën? A kandidon të bëhet kryetar bashkie? Dëgjoje ti Himçi. Pesë me zero dilni të dielën. Të vetmen garë që kemi ne se më dole në shteg është kush nga bashkitë do ketë rezultatin më të thellë. Pesë me zero ditën e dielë. Shihemi të hënën”, tha Balla./ CNA





Lajmet e fundit nga