web counter
LEXO PA REKLAMA!

SHKARKO APP

App Store
Google Play

E fundit!

x

"Ngrije kokën o Sali, o namusqar"/ Balla, replika me Berishën për barazinë gjinore

6 Nëntor 2025, 11:10, Politikë CNA

"Ngrije kokën o Sali, o namusqar"/ Balla, replika me

Kryetari i Grupit Parlamentar të Partisë Socialiste, Taulant Balla, u është përgjigjur akuzave të kryedemokratit Sali Berisha për projektbuxhetin e vitit 2026 dhe për ligjin për barazinë gjinore.

Balla deklaroi se burrat dhe gratë e këtij vendi do të paguhen njëlloj, ky është dhe qëllimi i qeverisë.

Socialisti tha se kërkohet të arrihet një Parlament me 70 gra dhe 70 burra.

Duke iu përgjigjur kryedemokratit, Balla tha se Berisha është kundër grave në Këshillin Bashkiak.

 

“Në Republikën e Shqipërisë ka vetëm burra dhe vetëm gra, në Republikën e Shqipërisë burrat dhe gratë e këtij vendi do të paguhen njëlloj sepse është qëndrimi i kësaj shumice që kemi më shumë burra sesa gra. Ne duam të arrijmë një Parlament me 70 gra dhe 70 burra.

Ngreje kokën o Sali, o namusqar. Ky është kundër barazisë gjinore, kundër grave në Këshillat Bashkiakë.

Namusqarë burracakë, është e shkruar se përkatësia e shumëfishtë lidhet me gjendjen e grave dhe vajzave p.sh.; vajzë rome, vajzë periferie apo vajzë e abuzuar seksualisht.

Ty ta tregoj unë dhe mos bëj atë zhurmën që bën nëpër studio.

Buxheti do të jetë 3 herë më i madh sesa kur e le kur ike. Për çfarë do të votoni kundër? Shko thuaja gjyshes që do të votoj kundër rritjes së pensionit.

Votoni buxhetin për Onkologjikun.

Asnjëherë s’e keni dashur atdheun. 580 milionë euro buxheti i mbrojtjes, ndaj ftesa jonë është që të votoni buxhetin. Unë e di që Saliu urren gratë ndaj nëse do të keni minimumin e sinqeritetit do të kishit sjellë qoftë edhe një propozim dhe amendament. Ju këtu bërtisni, por në tavolina na thoni jemi dakord, por nuk kemi çfarë të bëjmë”, deklaroi Balla./CNA





Lajmet e fundit nga