web counter
LEXO PA REKLAMA!

SHKARKO APP

App Store
Google Play

E fundit!

x

Zhupa: Në këtë Parlament ndodh çudi, vjen projektbuxheti pa paketë fiskale

6 Nëntor 2025, 11:03, Politikë CNA

Zhupa: Në këtë Parlament ndodh çudi, vjen projektbuxheti

Deputetja e Partisë Demokratike, Ina Zhupa, ka mbajtur fjalën e saj në Parlament ku është ndalur te prezantimi i projektbuxhetit.

Zhupa deklaroi se ajo që po ndodh në Parlament është një çudi, pasi projektbuxheti nuk po shoqërohet me paketën fiskale. Demokratja tha se mazhoranca nuk po zbaton atë që kërkon rregullorja dhe Kushtetuta.

Më tej, Zhupa tha se Shqipëria zë vendin e parë në Europë për varfëri, ku është 40.5% e popullsisë.

Duke u ndalur te rritja e pensioneve që njoftoi qeveria, Zhupa tha se me ato lekë pensionistët nuk mund të bëjnë asgjë. Ndërsa për mazhorancën, deputetja u shpreh se mund të bëjë shumë propagandë me këtë gjë.

“Në këtë Parlament ndodh një çudi. Vjen projektbuxheti, por nuk shoqërohet me paketën fiskale. Vjen se si do të shpenzohen paratë e shqiptarëve, por nuk vjen se nga mblidhen këto para. Atë që kërkon rregullorja dhe Kushtetuta këta nuk e zbatojnë.  

Shqipëria zë vendin e parë në Europë, kemi 40.5% të popullsisë në varfëri. 60 lekë në ditë për pensionistin në qytet dhe 20 lekë për pensionistin në fshat. Çfarë mund të bëjë pensionisti me kaq? Asgjë. Ju mund të bëni shumë me propagandë”, tha Zhupa.





Lajmet e fundit nga