web counter
LEXO PA REKLAMA!

SHKARKO APP

App Store
Google Play

Gogu i përgjigjet Nokës: Jam shërbëtor i Republikës, ti shiko vilat e tua të paligjshme

6 Nëntor 2025, 13:45, Politikë CNA

Gogu i përgjigjet Nokës: Jam shërbëtor i Republikës, ti

Ministri i Shtetit për Marrëdhëniet me Parlamentin, Toni Gogu, u është përgigjur akuzave të deputetit demokrat Flamur Noka lidhur me shpenzimet dhe stilin e tij të jetesës.

Në fjalën e tij në Kuvend, Gogu tha se është në karrigen e ministrit për t’i shërbyer vendit, teksa i kujtoi se kolegët demokratë janë shprehur disa herë për disa vila në pronësi të tij që dyshohet se nuk janë bërë në mënyrë të ligjshme.

Gogu akuzoi demokratët se çdo deklaratë e tyre në Kuvend është e tmerrshme.

 “Po i bie shkurt. I dashur Flamur! Unë jam ulur këtu si shërbëtor i Republikës, i zgjedhur nga ky Kuvend, ndaj edhe rri e dëgjoj edhe pavërtetësi. E them kështu me delikatesë, se në fakt janë gënjeshtra kokë e këmbë. E shikoj që ti je i intriguar për standardin e jetesës sime. Të ftoj të më ndjekësh nga mbrapa dhe të shohësh se si jetoj unë. Bindjen time dhe jetesën time. E çmon ti. Për sa u përket akuzave personale, të lutem, se kësaj salle i detyrohesh një përgjigje për ca vila që i ke bërë në mënyrë të paligjshme nga kolegët, akuza që duhet të jenë në ndonjë institucion. Çdo gjë që ju thoni është kaq e tmerrshme. Kujtoni se populli rri në televizor të dëgjojë gënjeshtrat tuaja!”,-tha Goga./CNA





Lajmet e fundit nga