web counter
LEXO PA REKLAMA!

SHKARKO APP

App Store
Google Play

E fundit!

x

"Të dielën 5 me 0 për PS", Xhaferri i përgjigjet Ballës: E merrni sigurinë delirante nga administrata e politizuar

6 Nëntor 2025, 17:33, Politikë CNA

"Të dielën 5 me 0 për PS", Xhaferri i përgjigjet

Deputeti i Partisë Demokratike, Besart Xhaferri i është përgjigjur deklaratës së kreut të Grupit Parlamentar të PS-së, Taulant Ballës se rezultati i zgjedhjeve të pjesshme të së dielës do të jetë 5 me 0 për socialistët.

Xhaferri tha se kjo deklaratë e Ballës vjen nga regjimi i instaluar me një administratë të politizuar. Gjithashtu u shpreh se socialistët janë të fundit që duhet t’ju shesin moral qytetarëve.

"Meqënëse na tha se paguhemi për të bërë zhurmë. Unë i ri jam kur kam qenë adoleshent, rritesha duke parë atë duke i rënë bilbilit dhe skuqej deri sa të shpërthente billbili. Zoti Balla ju jeni i fundit të na thoni se paguhemi për atë çfarë paguhemi. Sa për atë 5 me 0, që thua për rezultatin, duhet të dini se në një regjim të instaluar me këtë administratë publike të politizuar, patjetër që kjo mund t'ju japë një siguri deliranti për të dalë në këtë konkluzion. Ajo që duhet të kuptojnë qytetarët shqiptarë është që morali të shitet nga ju, është i fundit i njerëzve që duhet të shesi atë moral, sepse ata nuk janë as përdorues të Sky Ecc as të Matrix", tha Xhaferri.  /CNA





Lajmet e fundit nga