web counter
LEXO PA REKLAMA!

SHKARKO APP

App Store
Google Play

Hetimet për Bushkën/ Gazetarja zbulon detaje të forta: Takimet janë përgjuar

14 Shkurt 2025, 10:23, Politikë CNA

Hetimet për Bushkën/ Gazetarja zbulon detaje të forta: Takimet

Gazetarja Klodiana Lala ka zbuluar detaje të reja mbi përfshirjen e Klotilda Bushkës në çështjen "Veliaj".

Lala deklaron se një nga takimet e Bushkës me kushërirën e saj, së cilës i ka kërkuar të mos dëshmojë, është i përgjuar me metoda proaktive.

Deputetja Bushka, thotë Lala, i ka kërkuar me insistim kushërirës së saj që të mos dëshmonte, duke i sekuestruar dhe telefonin.

“Bushka ka intimiduar një kushërirë dhe mikeshë se si të sillet me ligjin. Në fakt kushërira e znj. Bushka, ka shkuar në SPAK dhe ka thënë se kushërira ime më thirri në shtëpinë e prindërve dhe më kërkoi të mos shkoja në SPAK dhe të them se nuk mbaj mend asgjë.

Trekëndëshi Veliaj-Bushka-Xhafaj, është një trekëndëshi i njohur, Bushka ka ardhur në politikë e mbështetur nga Fatmir Xhafaj dhe Erion Veliaj.

Bushka fliste në 'gjyqin popullor' të partisë së saj, i kishte ikur zëri, i ishte tharë fyti se e di fare mirë se çfarë ka bërë.

Në informacionet që unë kam, njëri nga takimet me kushërirën është i përgjuar, me metoda proaktive.

Bushka, në prani të avokatëve dhe të Ajola Xoxës, i ka kërkuar me insistim kushërirës që të mos dëshmonte, i kanë sekuestruar asaj telefonin dhe i kanë dhënë telefon të ri që të zhdukin provat.

Tani më thoni se çfarë mund te ndodhë në këtë vend që dëshmon se si forca e pushtetit ndikon te dëshmitarët për të mbyllur gojën? Nuk ka fare nevojë prokurori ta dëgjojë znj.Bushka, se e ka dëgjuar në forma të tjera”, u shpreh Lala./ CNA





Lajmet e fundit nga