web counter
LEXO PA REKLAMA!

SHKARKO APP

App Store
Google Play

Sulmi ndaj prokurorëve dhe gjyqtarit/ Shehaj: Iu dërguan administratën, Rama i kërcënoi

14 Shkurt 2025, 09:48, Politikë CNA
Sulmi ndaj prokurorëve dhe gjyqtarit/ Shehaj: Iu dërguan
Deputeti Agron Shehaj

Deputeti Agron Shehaj ka folur për dosjen e Veliajt dhe sulmin e paprecedentë që po u bëhet prokurorëve të çështjes së Veliajt dhe gjyqtarit që ka dhënë vendimin për arrestimin e kryebashkiakut.

I ftuar në "MCN TV" Shehaj tha se drejtësia nuk është gallatë dhe se pamë se si u dërguan administratën prokurorëve dhe gjyqtarit, ndërsa kryeministri Edi Rama i kërcënoi.

“Drejtësia nuk është gallatë, është punë, duhet vërtetuar abuzimi. Nëse paratë e inceneratorit shkojnë offshore, edhe perëndia të jesh, vete atje dhe nuk e merr vesh kompaninë. Për ne është e lehtë të bëjmë gjyqin, nuk jemi të kënaqur që më në fund në Shqipëri, arrestohet numri dy në pushtet, jo ne duam të kapet për atë që duam ne. Harrojmë presionet dhe kushtet, jemi në Shqipëri. Bandat, kërcënimet. Ne e pamë, nuk e dimë çfarë ka ndodhur në prapaskenë këto muaj që janë bërë hetime, ne e pamë vetëm në një ditë, i dërguan administratën, kërcënoi Rama gjithë ditën, ju hoqën dritat si në vitet 90’, imagjino të jesh prokuror dhe gjykatës.

Këto janë fakte. Është e lehtë këtu, por vendosu në vend të prokurorit. Shumë prej tyre kanë fëmijët jashtë. Ne jetojmë në Shqipëri, një shkrim bën dhe të vërsulen. Një denoncim bën dhe fillojnë me libër shtëpie. Imagjino t'i vësh prangat numrit dy të pushtetit.

Nëse dikush është kryetar bashkie dhe jep leje. Atij që i ka dhënë leje i merr vlerë të caktuar, ky është korrupsion, nuk ka nevojë të shkelet ligji në dhënien e lejes. Ti po thua ku është shkelja? U gjetën paratë. Kjo është diferenca”, deklaroi Shehaj./ CNA





Lajmet e fundit nga