web counter
LEXO PA REKLAMA!

SHKARKO APP

App Store
Google Play

E fundit!

x

Paratë dhe faturat që iu gjetën Veliajt/ Berisha: Ishin 95 mijë euro me prerje trafikantësh

13 Shkurt 2025, 21:48, Politikë CNA

Paratë dhe faturat që iu gjetën Veliajt/ Berisha: Ishin 95

Kreu i Partisë Demokratike, Sali Berisha tha sot se paratë e gjetura në hetimet për Veliajn janë prerje trafikantësh, që përdoren nga trafikantët se peshojnë më pak.

I ftuar në emisionin ‘Opinion’ me gazetarin Blendi Fevziu, Berisha theksoi se veç parave e faturave, Veliajt iu gjetën para në kasafortë, iu gjet apartament i fshehtë me emrin Dabulla.

Ndërsa për bashkëshorten e Veliajt, Ajola Xoxa,  Berisha bëri një krahasim duke thënë se kishte garderobë si të gruas së Asadit.

“Erjon Veliaj akuzohet se i janë gjetur 95 mijë euro, prerje trafikantësh 500 euroshe, e cila përdoret nga trafikantët se peshon më pak. Ju gjetën para në kasafortë, iu gjet apartament i fshehtë me emrin Dabulla.

I gjetën fatura doganore dhe blerje online 86 mijë euro.

Në vitin 2014, ka 70 blerje dhe nuk janë deklaruar fare. Faturat janë dokumente zyrtare që janë injoruar.

2000 paund një fustan nuk janë blerje fëmijësh.

Ajola Xoxa kishte garderobë si gruas së Asadit. Gjithë Bota i numëroi gruas së Asadit edhe fustanet”, - tha Berisha./CNA





Lajmet e fundit nga