web counter
LEXO PA REKLAMA!

SHKARKO APP

App Store
Google Play

E fundit!

x

12 orë seancë në GJKKO/ Veliaj nuk i foli asnjë fjalë Ajola Xoxës

13 Shkurt 2025, 13:30, Politikë CNA

12 orë seancë në GJKKO/ Veliaj nuk i foli asnjë fjalë

Të mërkurën për gati 12 orë u zhvillua në GJKKO seanca gjyqësore për masën e sigurisë për Erion Veliajn, si dhe bashkëshorten e tij Ajola Xoxa.

CNA mëson se gjatë seancës me orë të zgjatura, kryebashkiaku Erion Veliaj nuk i ka folur për asnjë moment bashkëshortes së tij. Erion Veliaj u përball me faktet që rëndojnë ndaj Xoxës veprimet me kompanitë e saj dhe përfitimet që vinin nga bashkia e Tiranës

Në dosje shpjegohet skema e korrupsionit dhe e pastrimit të parave që kanë kryer Ajola Xoxa.

Veç pasurive të paluajtshme që ka përfituar, SPAK bëri me dije se përmes OJF-ve, që kontrollohen plotësisht nga Ajola Xoxa, janë gjeneruar qindra mijëra euro.

E sikur këto të mos mjaftonin, SPAK theksoi se nga hetimet ka rezultuar se Ajola Xoxa, vetë ose nëpërmjet personave të tjerë të afërt me të, për një periudhë kohore prej rreth 4 vitesh, ka bërë blerje online të cilat konsistojnë në veshje, bizhuteri etj., në masën e mbi 867 milionë lekë të vjetra.

Skemat e përdorura nga Xoxa për pastrim parash, injektimin e parave cash nëpërmjet OJF-ve apo familjarëve të saj, janë zbuluar nga SPAK-u dhe GJKKO-ja i ka vlerësuar si të drejta hetimet, faktet dhe provat e gjetura.

Veliaj pavarësisht akuzave ndaj prokurorit Olsi Dado, të cilin e ka cilësuar pervers që merret me fustanet e gruas së tij, në heshtje ka rënë dakord me prokurorin, për sa kohë nuk ka denjuar të komunikojë me gruan e tij, e cila ndodhej në bankën e të akuzuarëve si kryebashkiaku./ CNA





Lajmet e fundit nga