web counter
LEXO PA REKLAMA!

SHKARKO APP

App Store
Google Play

Akti kriminal/ Si Policia e Shtetit kërcënoi prokurorët dhe gjyqtarët e GJKKO-së

13 Shkurt 2025, 10:11, Politikë CNA
Akti kriminal/ Si Policia e Shtetit kërcënoi prokurorët dhe
Ilir Proda dhe Erion Veliaj

Policia e Shtetit si banda e Erion Veliajt, skandali me SPAK-un

Gjatë gjithë ditës së djeshme për gati 12 orë u zhvillua në GJKKO seanca gjyqësore për masën e sigurisë për Erion Veliajn, bashkëshorten e tij Ajola Xoxa dhe disa biznesmenë. Ajo që ka rënë në sy është se njerëz të shumtë u mblodhën që në orët e para të mëngjesit për të protestuar para SPAK-ut.

Nuk kishte si të ndodhte ndryshe ashtu siç protestuan për Ilir Metën, për Sali Berishën, edhe Erion Veliaj nuk i rezistonte dot luftës së tij ndaj SPAK-ut.  Të gjithë e panë me zë dhe figurë që hipokrizia mori fund. SPAK-u u sulmua në mënyrë brutale nga Kryeministri, prokurorët, gjyqtarët.

Gjithashtu Erion Veliaj përdori dhe keqpërdori administratën e tij, punonjësit e bashkisë për të protestuar para SPAK-ut.

Por ajo që është më skandaloze është sjellja e Policisë së Shtetit.

Sjellja e Policisë së Shtetit ka qenë thuajse e një grupi kriminal në bashkëpunim me Erion Veliajn. Nëse Erion Veliaj do të kishte një grup të strukturuar kriminal atë do ta kishe në bashkëpunim me Policinë e Shtetit.

Mediat e kanë ndjekur nga afër dje gjatë gjithë ditës, jo vetëm zhvillimin e seancës, por dhe protestën që u zhvillua jashtë në disa momente.

CNA ka mësuar që SPAK-u ka njoftuar dhe ka kërkuar që në orët e para të mëngjesit që forcat e policisë të ishin prezente afër godinës dhe të merrnin masa dhe këtë e ka bërë edhe Garda e Republikës që ka qenë mjaft e shqetësuar, pasi garda ka përgjegjësinë e mbrojtjes së gjyqtarëve dhe prokurorëve.

Por ajo që binte në sy nga vetë gazetarët që raportonin ishte se Policia e Rendit nuk u paraqit në asnjë moment para SPAK-ut.

Ilir Proda ndaloi policët të shkonin dhe të vinin perimetër sigurie dhe të merrnin në mbrojtje godinën ku ndodheshin prokurorët dhe gjyqtarët.

Në mënyrë të turpshme, kriminale, ishin hequr policët që drejtonin trafikun për më tepër në kryqëzime ndodheshin policë bashkiakë që më pas hiqnin jelekët dhe shkonin në protestë.

Në mbrëmje u vu re se kur doli Erion Veliaj sërish u cenua siguria, edhe atij vetë, pasi furgoni që e transportonte kaloi në një turmë prej qindra personash.

Gjithashtu drejtuesi i SPAK-ut, Altin Dumani, ka dalë në mes  të turmës. Gjyqtari Erion Bani është larguar ende në praninë e njerëzve së bashku me prokurorin Olsi Dado.

Një rast flagrant, kriminal, shantazhi, kërcënimi që u bëhet nga turma prokurorëve të SPAK-ut, gjyqtarit nga Policia e Shtetit, nga Ilir Proda, i cili në fakt telefonin e tij e ka në SPAK dhe hetohet dhe dyshohet për lidhje të mundshme me grupet kriminale.

Ajo që ka ndodhur është një rast i paprecedentë i Policisë së Shtetit që ka qenë e njoftuar disa herë nga Garda për të marrë masat për të siguruar jo vetëm perimetrin e sigurisë, por dhe jetën e gjyqtarëve dhe prokurorëve të cilët do të dilnin nga GJKKO dhe ky duket një rast i qartë bashkëpunimi e intimidimi për të kërcënuar drejtësinë ashtu si bëri kryeministri apo disa instrumente të tij 48 orët e fundit menjëherë pas arrestimit të Erion Veliajt./ CNA

 





Lajmet e fundit nga