web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria në takimin e vendeve të NATO-s/ Vengu: Të shtojmë burimet financiare për mbrojtjen

13 Shkurt 2025, 20:04, Politikë CNA

Shqipëria në takimin e vendeve të NATO-s/ Vengu: Të

Shqipëria mori pjesë në takimin e radhës të vendeve të NATO-s, që u mbajt sot në Bruksel.  

Kryefjala e këtij takimi ishte rritja e domosdoshme e kontributeve dhe kapaciteteve të vendeve aleate, në dritën e negociatave për një paqe të qëndrueshme mes Rusisë dhe Ukrainës.

Ministri i Mbrotjes, Pirro Vengu, pjesëmarrës në këtë takim si përfaqsues i Shipërisë, tha se shprehu gatishmërinë e Shqipërisë për shtimin e burimeve financiare për mbrojtjen.

Në një postim në rrjetet sociale, Vengu shkruan:

“Në takimin e Ministrave të Mbrojtjes së vendeve të NATO-s, ku kryefjala ishte rritja e domosdoshme e kontributeve dhe kapaciteteve të vendeve aleate, në dritën e negociatave për një paqe të qëndrueshme mes Rusisë dhe Ukrainës.

Nën impulsin e ri amerikan, pritshmëritë janë të larta për një përpjekje më të madhe të vendeve evropiane në forcimin e kapaciteteve luftarake dhe marrjen e përgjegjësive të reja për mbrojtjen e kontinentit.

Shpreha gatishmërinë e Shqipërisë që shtimin e burimeve financiare për mbrojtjen ta përkthejmë në:

• më shumë kapacitete operacionale,

• ringjallje të industrisë ushtarake,

• infrastrukturë në mbështetje të modernizimit të forcave tona dhe në funksion të Aleancës.

Në këtë kontekst, një industri ushtarake reaguese është kyçe për të prodhuar armatimin, municionet dhe pajisjet e nevojshme.

Gjithashtu, theksova nevojën për vigjilencë të shtuar të Aleancës në Evropën Juglindore, veçanërisht në raport me Kosovën, si dhe në zonën Adriatiko-Joniane, ku planet aleate meritojnë të përditësohen me veprime të reja strategjike përballë sfidave të shumta hibride me të cilat po përballemi”./CNA

 

Shqipëria në takimin e vendeve të NATO-s/ Vengu: Të

 

Shqipëria në takimin e vendeve të NATO-s/ Vengu: Të





Lajmet e fundit nga