web counter
LEXO PA REKLAMA!

SHKARKO APP

App Store
Google Play

E fundit!

x

Takimi Celibashi-Dumani/ Diskutim për forcimin e bashkëpunimit mes KQZ dhe SPAK

13 Shkurt 2025, 15:12, Politikë CNA

Takimi Celibashi-Dumani/ Diskutim për forcimin e bashkëpunimit mes KQZ

Komisioneri shtetëror i KQZ-së, Ilirjan Celibashi dhe kreu i SPAK-ut Altin Dumani, kanë zhvilluar një takim sot në mesdite. Qëllim i i këtij takimi ishte rritja e bashkëpunimit  institucional në funksion të parandalimit dhe ndjekjes së krimeve zgjedhore.

U diskutua për krijimin e një Protokolli të Koordinimit Institucional mes KQZ dhe SPAK, që do të mundësojë linja komunikimi të hapura 24/7, raportim të menjëhershëm dhe ndërhyrje të shpejtë në rastet e shkeljeve. SPAK do të organizojë struktura të dedikuara në nivel qendror dhe lokal, të përbëra nga prokurorë dhe hetues, të cilët do të punojnë në sinkron me përfaqësuesit tanë në çdo qark dhe në nivel qendror.

Në deklaratën e përbashkët thuhet:

“Jemi të vendosur që, në bashkëpunim me Prokurorinë e Përgjithshme dhe SPAK, të rrisim praninë institucionale në terren, që tre muaj përpara datës së zgjedhjeve dhe deri në përfundim të procesit të numërimit. Do të krijojmë mekanizma të dedikuar për monitorimin dhe raportimin në kohë reale të çdo problematike, duke garantuar që çdo rast i dyshuar të adresohet menjëherë nga institucionet kompetente.

Një nga hapat konkretë në këtë drejtim është edhe krijimi i një sistemi të unifikuar të denoncimeve, ku qytetarët, shoqëria civile dhe aktorë të tjerë do të mund të raportojnë raste të mundshme të krimeve zgjedhore. Këto denoncime do të analizohen me seriozitetin më të madh jo vetëm nga KQZ, por edhe nga hetuesit dhe prokurorët e SPAK për të garantuar një ndjekje të plotë dhe efikase të çdo shkeljeje.

Një tjetër aspekt i rëndësishëm i diskutimit ishte aksesimi nga SPAK në Ndërfaqen e Raportimit të Aktiviteteve Publike (NIR) të KQZ, sistemi që monitoron dhe evidenton shkeljet e mundshme gjatë fushatës dhe administrimit të zgjedhjeve. Kjo do të rrisë efikasitetin e hetimeve dhe do të ndihmojë në identifikimin e praktikave të paligjshme që cënojnë barazinë e garës zgjedhore.

Nga ana jonë, në KQZ po punojmë për ngritjen e Qendrës së Monitorimit të Procesit Zgjedhor, e cila do të funksionojë 24/7 dhe do të grumbullojë informacione nga terreni në kohë reale përmes përdorimit të teknologjisë dhe raportimeve nga komisionerët, monitoruesit dhe përfaqësuesit tanë në çdo qark. Ky mekanizëm do të na mundësojë të kemi një pasqyrë të plotë të situatës dhe do të ndihmojë edhe hetuesit e SPAK për të kryer një ndjekje më të shpejtë dhe efektive të rasteve me elementë penalë.

Ramë dakord me Drejtuesin e SPAK, z. Altin Dumani, për finalizimin e Protokollit të Koordinimit mes KQZ, SPAK dhe Prokurorisë së Përgjithshme, një hap konkret që do të sjellë më shumë transparencë dhe efikasitet në luftën kundër krimeve zgjedhore. Ky bashkëpunim do të shërbejë si një garanci e fortë për zgjedhje të lira dhe të ndershme, ku çdo shkelje do të trajtohet me seriozitet dhe në kohën e duhur”./CNA





Lajmet e fundit nga