web counter
LEXO PA REKLAMA!

SHKARKO APP

App Store
Google Play

E fundit!

x

“Më lumtë”/ Klodiana Lala: Pas Veliajt, radhën e ke ti

14 Shkurt 2025, 10:22, Politikë CNA
“Më lumtë”/ Klodiana Lala: Pas Veliajt, radhën e ke
Gazetarja Klodiana Lala

Gazetarja Klodiana Lala, e ftuar në televizionin "MCN", i është përgjigjur kryeministrit. Rama gjatë fjalës së tij për Veliajn përmendi se përveç prokurorëve specialë ka dhe gazetarë specialë. Për aludimet e Ramës se këta gazetarë mund të kenë marrë informacione nga SPAK, Lala ka thënë se kjo është puna e tyre. Më tej gazetarja është shprehur se Ramën e shqetëson diçka e madhe dhe pas Veliajt po i vjen atij radha.

"Ju thatë në fund të emisionit, kur po bëheshim gati për të dalë, që zoti Rama ka folur për prokurori speciale dhe gazetarë specialë. Pra ne që mbulojmë drejtësinë mund të kemi marrë informacione nga SPAK-u. Në fakt më lumtë, sepse unë këtë punë kam dhe nuk është kryeredaktor Edi Rama që të më thotë si të bëj lajmet. Nëse kam thënë gjë të pavërtetë t'i drejtohen gjykatës dhe të më padisin.

Në këtë rast, kryeministri, duke qenë se është i kapur në çark, po përpiqet të shmanget. Pas Veliajt kujt i shkon radha? Ramës besoj. Kam përshtypjen se diçka e madhe e shqetëson Ramën. Ai e ka shitur reformën në drejtësi si kalin e tij të betejës. Ai ka thënë se do të reformojë drejtësinë e reformuar, tani uji po i lag strofullën e vet dhe merret me gazetarët specialë dhe prokurorët specialë. Mendoj se e shqetëson diçka thelbësore. E mbrojti prokurorinë, por tani iu bashkua Metës dhe Berishës duke goditur prokurorinë", tha Lala./ CNA





Lajmet e fundit nga