web counter
LEXO PA REKLAMA!

SHKARKO APP

App Store
Google Play

E fundit!

x

Harta e re gjyqësore/ Berisha tregon “qëllimin e errët” të Ramës

20 Qershor 2022, 18:48, Politikë CNA
Harta e re gjyqësore/ Berisha tregon “qëllimin e
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka hedhur akuza ndaj kryeministrit Edi Rama, zv-kryetarit të Gjykatës së Lartë, Sokol Sadushi, dhe bashkëshortes së këtij të fundit, Edlira Petros.

Teksa po fliste për hartën e re gjyqësore, Berisha tha se Rama po kontrollon Gjykatën e Lartë me Sadushin dhe Gjykatën e Apelit me Petron.

Sipas tij, qëllimi i hartës së re gjyqësore është që kreu i qeverisë të ushtrojë kontrollin total në të gjitha çështjet.

“Edi Rama pasi ka përqendruar të gjithë gjykimin e Gjykatës së Lartë në dorë të Sadushit, do ta përqendrojë gjykimin në Apel në dorë të së shoqes së Sadushit, Edlira Petro, e cila edhe sot bën ligjin, bën komunikatat, bën dallditë. Gjykata e Apelit është e tëra në sundimin e çiftit Sadushi.

Por tani na duhet që Edi Rama të ushtrojë kontrollin total në të gjitha çështjet, duhet që të ketë vetëm një Gjykatë dhe kjo Gjykatë të jetë në Tiranë. Një eksperiment i turpshëm, të cilin e kanë bërë në vitin 1999 PS-ja dhe e zhbëri sepse ishte një goditje e rëndë për sistemin e drejtësisë. Këto janë qëllimet e vërteta të hartës së re të drejtësisë, një përqendrim total”, theksoi ish-kryeministri gjatë takimit me specialistë të drejtësisë./ B.A. – CNA.al





Lajmet e fundit nga