web counter
LEXO PA REKLAMA!

SHKARKO APP

App Store
Google Play

E fundit!

x

Komision Hetimor për Investimet Strategjike/ Rrëzohet për të tretën herë kërkesa e PD-së

20 Qershor 2022, 12:40, Politikë CNA

 

Komision Hetimor për Investimet Strategjike/ Rrëzohet për
Konferenca e kryetarëve

 

Për të tretën herë është rrëzuar kërkesa e PD-së, për ngritjen e Komisionit Hetimor për Investimet Strategjike.

Në Konferencën e Kryetarëve, deputeti i PD-së, Enkelejd Alibeaj, e quajti skandaloz këtë vendim, me argumentin se janë shkelur Kushtetuta dhe ligji për komisionet hetimore.

Sipas tij, PD do të ndjekë të gjithë rrugët deri në fund.

"Ne do t'i bëjmë me dije të gjitha arsyet reale të rrëzimit të kërkesës sot", tha Alibeaj.

35 deputetë demokratë kanë ridepozituar me 13 qershor, pra, për herë të tretë në Kuvend kërkesën për ngritjen e komisionit hetimor për të verifikuar zbatimin e ligjit për investimet strategjike.

Kërkesa e parë e grupit parlamentar të Partisë Demokratike për ngritjen e komisionit hetimor për investimet strategjike u rrëzua më 31 maj nga Konferenca e Kryetarëve.

Javën e kaluar mazhoranca rrëzoi edhe kërkesën e dytë me të njëjtin objekt të opozitës pas tërheqjes së dy deputetëve.

Deputetët e Partisë Demokratike kërkojnë verifikimin e procedurave të ndjekura nga qeveria për dhënien e statusit investitor strategjik të një sërë kompanish.

Sipas deputetëve të PD-së, ky komitet ka dhënë vendime që prekin çështje të pronave pa transparencë./CNA.al





Lajmet e fundit nga