web counter
LEXO PA REKLAMA!

SHKARKO APP

App Store
Google Play

Bashkëpunim me Kosovën në fushën e energjisë/ Balluku zbulon planet  

20 Qershor 2022, 12:30, Politikë CNA
Bashkëpunim me Kosovën në fushën e energjisë/ Balluku
Ministrja, Belinda Balluku

Nga mbledhja e përbashkët mes dy qeverive, ministrja e Infrastrukturës dhe Energjetikës, Belinda Balluku, ka bërë me dije se bashkëpunimi për sektorin e energjisë mes dy vendeve vijon.

Balluku u shpreh se do të ketë bashkëpunim mes KESH-it dhe KEK-ut e po ashtu në terminalin e gazit të lëngshëm në Vlorë.

Ministrja shtoi se kjo marrëveshje do të pasohet edhe nga një marrëveshje tjetër, për terminalin LNG në Vlorë.

“Unë do t’i ndaja marrëveshjet sipas radhës. I pari është memorandumi për bashkëpunimin në fushën e energjisë. Ne jemi në dijeni për vështirësitë që kemi në fushën energjetike në kushtet e konfliktit Rusi-Ukrainë.

Duke pasur parasysh të gjitha projeksionet, kemi nisur nga puna disa muaj më parë për një protokoll të mirëfilltë bashkëpunimi mes KESH-it dhe KEK-ut.

Ndërkohë, ky projekt tashmë i ka dhënë rezultatet se e kemi nisur shkëmbimin e energjisë vitin e kaluar. Duhet thënë që kjo marrëveshje do të pasohet edhe nga një marrëveshje tjetër, për terminalin LNG në Vlorë.

Ka si synim konkludimin e një marrëveshjeje ku Kosova mund të sigurojë kapacitetet e energjisë elekrtike për një periudhë afatgjatë. Ne duhet të dimë nevojat që ju keni për t’i adresuar”, tha Balluku./ CNA.al





Lajmet e fundit nga