web counter
LEXO PA REKLAMA!

SHKARKO APP

App Store
Google Play

E fundit!

x

“Rama, vasal i Serbisë”/ Berisha: Përdhosi për së vdekuri dhjetëra mijëra shqiptarë

20 Qershor 2022, 10:33, Politikë CNA
“Rama, vasal i Serbisë”/ Berisha: Përdhosi për
Kryetari i PD-së, Sali Berisha

Kryetari i Partisë Demokratike, Sali Berisha, ka reaguar në lidhje me mbledhjen e përbashkët të qeverive, mes Kosovës dhe Serbisë.

Në një postim në rrjetet sociale, Berisha shkruan se Rama duhet të njohë gjenocidin serb.

Berisha thekson se mohimi i gjenocidit ciklik serb ndaj shqiptarëve në Kosovë, është një akt antikombëtar dhe përdhosje e jetëve të humbura.

“Vasali i Beogradit, Edi Rama duhet të njohë genocidin serb në Kosovë!

Miq, qëndrimi i Edi Ramës në një linjë me padronin e tij, Aleksandër Vuçic në mohimin e genocidit ciklik serb ndaj shqiptarëve në Kosovë, është një akt antikombëtar, është përdhosje për së vdekuri të dhjetëra mijëra shqiptarëve që u vranë vetëm për shkak të etnisë së tyre në 150 vitet e fundit nga barbarët serb.

Në veçanti ai duhet të dënojë genocidin e fundit serb në Kosovë gjatë operacionit “Patkoi” në të cilin serbët mizorë vranë, theren, dogjën të gjallë mbi 1400 fëmijë shqiptarë. Dënoj me ashpërsinë më të madhe qëndrimin antishqiptar, çnjerëzor të vasalit të Beogradit në mohimin e genocidit serb në Kosovë! “-shkruan Berisha.

Ndërsa në një tjetër postim, Berisha thekson se gjatë pesë viteve të fundit nuk ka asnjë rritje të bizneseve nga Kosova në Shqipëri, gjë e cila sipas tij vjen për shkak të qëndrimit jomiqësor të Edi Ramës.

 “Asnjë rritje të bizneseve nga Kosova në 5 vitet e fundit në Shqipëri. Rezultat i qëndrimit filoserb dhe jomiqësor të Edi Ramës ndaj Kosovës”, perfundon Berisha postimin e tij./CNA.al

“Rama, vasal i Serbisë”/ Berisha: Përdhosi për





Lajmet e fundit nga