web counter
LEXO PA REKLAMA!

SHKARKO APP

App Store
Google Play

E fundit!

x

Parku Kombëtar i Butrintit/ Zhupa: Kthimi i ligjit nga presidenti, një betejë e fituar në emër të interesit publik

20 Qershor 2022, 18:06, Politikë CNA
Parku Kombëtar i Butrintit/ Zhupa: Kthimi i ligjit nga presidenti, një
Ina Zhupa

Çëshjen e Parkut Kombëtar të Butrintit e ka rikthyer sërish në vëmendje deputetja e PD-së, Ina Zhupa.

Në një postim në rrjetin social "Facebook", Zhupa thotë se vendimi i presidentit Ilir Meta për kthimin e ligjit është një betejë e fituar në emër të interesit publik.

Zhupa ka falënderuar edhe presidentin Ilir Meta, i cili e riktheu për rishqyrtim në Kuvend, ndërsa u bëri thirrje deputetëve që të votojnë pro dekretit të presidentit.

“Betejë e fituar në emër të interesit publik, qytetarëve shqiptarë, mbrojtjes së trashëgimisë kulturore! Presidenti Meta kthen ligjin për dhënien me koncension të Butrintit!

Faleminderit Presidentit të Republikës Meta, i cili edhe kësaj radhe qëndroi si garant i kushtetutës, i mbrojtjes së pasurisë pronë publike të patjetërsueshme dhe nga më të rëndësishmet që përfaqësojnë identitetin tonë kombëtar. Identiteti kombëtar dhe trashëgimia kombëtare parashikohen në nenin 3 të Kushtetutës, që përcakton se shteti ka për detyrë të mbrojë dhe të respektojë bazat e përcaktuara në të, të cilat nuk janë gjë tjetër veçse vlera themelore, pra që qëndrojnë në themel të organizimit shtetëror.

Shkeljet kushtetuese dhe ligjore të argumentuara në arsyetimin e Presidentit nuk lënë hapësirë për dyshime se ky ligj duhet rrëzuar në këtë formë që është.

Rrëzimi i këtij ligji nuk duhet ta mbyllë çështjen e menaxhimit të Butrintit, por të hapet mundësia e një diskutimi të gjerë dhe një pune të të gjithë aktorëve dhe faktorëve për mënyrën më të mirë të menaxhimit të Butrintit, në përputhje me kushtetutën, konventën e Parisit, mbrojtjen e interesit publik dhe pasurisë kulturore.

Ky diskutim dhe vendimarrje nuk mund të përjashtojë AADF për donacionet, ekspertizën e huaj që mund të ofrojë, edhe për kontributin që ka dhënë deri tani në vendin tonë.

Përshëndes argumentimin e Presidentit se nisma ime ligjore për ndryshimet e ligjit të trashëgiminisë kulturore 'duhet të shqyrtohet paraprakisht apo minimalisht paralelisht me ligjin objekt shqyrtimi, sepse ka rëndësi themeltare për çështjen apo fatin e saj'.

Çdo deputet i kuvendit të Shqipërisë ka detyrimin moral dhe ligjor që të votojë pro dekretit të Presidentit”, tha Zhupa./CNA.al





Lajmet e fundit nga