web counter
LEXO PA REKLAMA!

SHKARKO APP

App Store
Google Play

Grupi Parlamentar i PD-së mbështet amnistinë/ 3 kushtet

3 Prill 2024, 15:02, Politikë CNA
Grupi Parlamentar i PD-së mbështet amnistinë/ 3 kushtet
Gazment Bardhi

Mesditën e së mërkurës është zhvilluar mbledhja e Grupit Parlamentar në selinë e PD-së. Mësohet se Grupi Parlamentar i PD-së është në mbështetje të aministisë dhe propozon: 

1. Grupi Parlamentar i Partisë Demokratike ka propozuar që të përjashtohen nga vuajtja e dënimit dhe ndjekja penale të gjithë personat e gjykuar apo hetuar për vepra penale të kryera gjatë grumbullimeve dhe manifestimeve të kryera deri në datën 31 mars 2024, pavarësisht datës së regjistrimit të tyre.

2. Grupi Parlamentar i Partisë Demokratike ka propozuar përjashtimin nga amnistimi, qoftë sa i përket vuajtjes së dënimit, uljes së dënimit apo ndjekjes penale, të gjithë funksionarët e lartë të hetuar dhe/ose gjykuar nga strukturat e posaçme antikorrupsion apo që janë subjekt i deklarimit të pasurisë, si deputetë apo kryebashkiakë.

3. Grupi Parlamentar i Partisë Demokratike ka propozuar një rritje të masës së përfitimeve nga amnistia, qoftë në drejtim të uljes së dënimit me 2 vite për gratë dhe 1.5 vite për burrat, qoftë në drejtim të datës së dënimit, fillimit të hetimeve apo kryerjes së veprës penale deri në 31 mars 2024, nga 31 janari 2024 qê parashikonte versioni aktual i projektligjit.

Pritet që pas mbledhjes të dalë në një deklaratë për mediat Gazment Bardhi./CNA 





Lajmet e fundit nga