web counter
LEXO PA REKLAMA!

SHKARKO APP

App Store
Google Play

E fundit!

x

Protesta për Veliajn/ Muçollari: Nuk mund t'ia hedhë edhe kësaj radhe

3 Prill 2024, 14:57, Politikë CNA
Protesta për Veliajn/ Muçollari: Nuk mund t'ia hedhë edhe
Anëtari i Kryesisë së Partisë Demokratike, Grigels Muçollari

Anëtari i Kryesisë së Partisë Demokratike, Grigels Muçollari, ka bërë një thirrje për qytetarët që të marrin pjesë në protestën e organizuar nga Aleanca për Mbrojtjen e Teatrit kundër kryebashkiakut të Tiranës, Erion Veliaj.

Me anë të një statusi në rrjetet sociale, Muçollari thotë se një kryetar bashkie i kapur në një aferë korruptive të padëgjuar më parë, nuk mund të vazhdojë të ushtrojë detyrën.

Ai deklaron se Veliaj u është shmangur gjithmonë përgjegjësive dhe ka gjetur fajtorë, por thekson se kësaj radhe qytetarët nuk duhet të presin deri në vendimin e SPAK-ut.

Deklarata e plotë:

Të premten në protestë, si qytetarë të dhunuar nga kryetari i bashkisë!

Erion Veliaj është rasti klasik se si një profeci vetëpërmbushet, kur predikon gjithë kohës të kundërtën e asaj që bën.

Erdhi në politikë duke protestuar me sloganin që u bë i njohur, Mjaft, dhe sot pikërisht ky urdhër moral, është i vetmi që i shkon atij vetë, në kushtet ku ndodhet.

Një kryetar bashkie i kapur në një aferë korruptive të padëgjuar më parë, nuk mund të vazhdojë të ushtrojë detyrën.

Vetëm me Erion Veliajn, Tirana dhe Shqipëria mbërriti në ditën kur drejtuesit e bashkisë me atë në krye, vendosin t'i marrin vetë ata tenderët, paratë e taksapaguesve, duke u shnderruar në operatorë në treg. Ky është një standard i ri në vjedhje.

Por ka një gjë edhe më të dhimbshme sesa kjo hajdutëri që po shohin çdo ditë qytetarët nga zbardhja e dosjes së SPAK-ut. Sa më shumë dalin përmasat e zullumit, aq më e madhe bëhet afera. Sa më i rëndë krimi, aq më shumë shfaqet në sytë e njerëzve një padrejtësi therëse, që Erion Veliaj, përgjegjësi i këtij skandali, paska imunitet, nuk preket me pupël nga SPAK-u.

Protesta për Veliajn/ Muçollari: Nuk mund t'ia hedhë edhe

Ai është një politikan që u është shmangur gjithnjë përgjegjësive dhe përherë ka gjetur fajtorë, tek opozita i ka të preferuarit.

Po si do t'ia bëjë kësaj radhe?!

Të kapurit me presh në duar janë njerëzit e tij më të afërt, gjymtyrët dhe shqisat e tij.

Kujt do t'ia faturojë?

Teksa njerëzit pyesin çdo ditë e më shumë, se ku është SPAK-u, pse nuk merr në pyetje trurin dhe vendimmarrësin e korrupsionit në bashki, ne na takon të bëjmë detyrën tonë qytetare e të mos pajtohemi me çfarë ka ndodhur.

Të tregojmë me gisht, atë që është autori i vjedhjes në bashki.

Nuk mund të fshihet e nuk mund t'ia hedhë edhe kësaj radhe!

Ndaj do jemi të premten para bashkisë në një protestë qytetare, ku t'i themi Mjaft, Erion Veliajt.

Shihemi në dyert e bashkisë!/ CNA





Lajmet e fundit nga