web counter
LEXO PA REKLAMA!

SHKARKO APP

App Store
Google Play

Koncesionet në Shëndetësi, Zhupa: Ndreca e Ikonomi në konflikt interesi

2 Prill 2024, 20:12, Politikë CNA
Koncesionet në Shëndetësi, Zhupa: Ndreca e Ikonomi në
Deputetja Ina Zhupa

Deputetja e Partisë Demokratike, Ina Zhupa, foli sot për hetimin e koncensioneve në Shëndetësi, duke theksuar se socialistët në Komisionin Parlamentar kanë refuzuar në mënyrë arrogante, të firmosin një deklaratë se nuk janë në konflikt interesi me çështjet që po hetojmë.

Zhupa u shpreh se Plarent Ndreca, ka qenë avokat para se të merrte mandatin, dhe ka mbrojtur personat nën hetim apo të akuzuar lidhur me sterilizimin.

Gjithashtu, Zhupa u shpreh se deputetja e PS-së, Milva Ikonomi, ka qenë zv.ministre në kohën e koncensionit të Sterilizimit dhe kryetare e Komisionit në rastin e Check Up.

Zhupa tha se Ikonomi ka firmosur në rastet kur nuk ka qenë present Ilir Beqja lidhur me koncensionet. Deputetja demokrate e konsideroi si grup të strukturuar kriminal atë që ka ndodhur me koncensionet.

Zhupa tha se nga ana e Partisç Socialiste po tentohet të bllokohet puna e komisionit, duke shtuar se ajo që po kërkohet nga opozita për të firmosur deklaratën që nuk janë në konflikt interesi është kërkesë e ligjit.

“Ne do i drejtohemi ILDKPI-së, që të shprehen ata nëse deputetët, anëtarë të Komisionit Hetimor, janë ose jo në konflikt interesi”, tha Zhupa.

Ajo tha se asnjë konçension nuk mund të merret pa mbrojtjen, garancinë e atij që ka gjetur klientët e koncensioneve, siç ndodhi në rastin e “check up”.

Deputetja Zhupa tha se në krye të këtyre aferave korruptive është Edi Rama./ CNA





Lajmet e fundit nga