web counter
LEXO PA REKLAMA!

SHKARKO APP

App Store
Google Play

E fundit!

x

Gjyqtari Bani urdhëroi shoqërimin me forcë të Berishës për llogari të Veliajt

1 Mars 2025, 13:07, Politikë CNA

Gjyqtari Bani urdhëroi shoqërimin me forcë të Berishës

Gjyqtari Erion Bani është sulmuar ditët e fundit nga ana e kryeministrit Edi Rama me pretendimin se ai është vendosur në detyrë për të goditur njerëzit e PS-së siç është edhe Erion Veliaj. Megjithatë, historia dhe faktet tregojnë të kundërtën pasi në më shumë se një rast gjyqtari Erion Bani ka vendosur në favor të Erion Veliajt.

Erion Bani ishte gjyqtar dhe i dha të drejtë Veliajt në gjyqin me Grida Dumën, ashtu siç bëri edhe në rastet kur i dha të drejtë kryebashkiakut në gjyqin me Jorida Tabakun dhe Erion Isufin, kunatin e Lulzim Bashës.

Ndërkohë, në vitin 2023, Erion Veliaj bën një denoncim për shtetasin Sali Berisha dhe shorti i bie gjyqtarit Erion Bani, numri themeltar është 75 i kallëzimit të bërë nga kryebashkiaku i Tiranës në GJKKO ndaj kryetarit të PD-së.

Në fakt, Erion Veliaj në ditët e fundit e ka sulmuar ballazi Erion Banin dhe njerëzit e rilindjes dhe 99-çat e tij apo mediat që çfarë nuk kanë trilluar sa e kanë bërë noter të prokurorëve, e kanë bërë edhe demokrat të madh.

Por, le t’ju sjellim pak memorien. Në atë kohë, mediat raportonin se Erion Veliaj kishte kallëzuar Sali Berishën dhe ishte gjyqtari Erion Bani, i cili në datën tetë maj të 2023-shit duhej të zhvillonte seancën gjyqësore ku kallëzues ishte Erion Veliaj dhe i kallëzuari ishte shtetasi Sali Berisha. Si gjithmonë, doktori nuk u paraqit në seancë, e refuzoi, nuk shkoi të paraqitej te gjyqtari Erion Bani.

Gjyqtari Bani urdhëroi shoqërimin me forcë të Berishës
Gjyqtari Erion Bani

Por, çfarë ndodh më pas? Ky gjyqtari që na pretendojnë se i paska rënë më qafë Erion Veliajt ndërkohë që kryebashkiaku i Tiranës ka një mal me dosje, një mal me fashikuj dhe një dosje të kopsitur në mënyrë perfekte, me një vendim shterues të gjyqtarit Erion Bani, ky i fundit në gjyqin e Erion Veliajt me Sali Berishën, vendos që Sali Berisha të shoqërohet me forcë.

Kush i thërret memories le të gjejë pak gjyqin e datës tetë maj të vitit 2023, kur gjyqytari Erion Bani urdhëroi pas seancës së parë që Berisha nuk u paraqit, që kryetari i PD-së të merrej me forcë dhe të paraqitej para gjykatës në datën 19 maj. Pra, vetëm 11 ditë më pas, Sali Berisha do të merrej me forcë për të qenë i pranishëm në seancën ku ishte kallëzuar nga Erion Veliaj.

Tani, çfarë e lidh Erion Banin me Sali Berishën kur e merr me forcë që ta përballë në gjyq me Erion Veliajn? Apo kur merrte Berishën me forcë në gjykatë ishte gjyqtar i mirë se u duhej socialistëve dhe tani është gjyqtar i keq se firmosi dhe vendosi të arrestojë Erion Veliajn me një masë sigurie pasi kishte parë me qindra e qindra prova. Ky është rasti i Erion Banit kur është i mirë dhe kur është i keq, sipas orekseve të politikës. /CNA





Lajmet e fundit nga