E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Hipokrizia e Bardhit/ Ishte kundër Primareve, pasi siguroi karrigen e tij e konsideron proces spektakolar

1 Mars 2025, 12:21, Politikë CNA

Hipokrizia e Bardhit/ Ishte kundër Primareve, pasi siguroi karrigen e tij e

Gazment Bardhi, në një dalje mediatike, ka raportuar se procesi i Primareve është spektakolar dhe një proces demokratik, një proces i rallë statutor. Në fakt, Bardhi dhe të tijtë, mbetjet e Lulzim Bashës në PD, njerëzit që iu hodhën gaz lotsjellës dhe veshën me hekura, llamarina, selinë e PD-së janë kryesorët që kanë kundërshtuar procesin e Primareve në PD.

Pasi siguruan vetën e tyre, pra Bardhi, Gjekmarkaj dhe disa të tjerë për të qenë në lista të mbyllura nuk pranuan Primaret, por pazari ishte i thjeshtë, marrim listat e mbyllura për vete dhe të tjerët rrinë në Primare.

Kështu ndodhi, Bardhi siguroi vendin e tij, të Gjekmarkajt dhe ndonjë tjetri, ndërsa të tjerët i la në votim, ndërkohë që deklaronte se nuk duhej të kishte fare Primare, tani thotë se është proces serioz, statutor dhe se ka pritshmëri të mëdha.

Këto janë dy fytyrat e Bardhit, njeriut që ka ngelur si një mbetje e llamarinave dhe gazit lotsjellës të Lulzim Bashës ende në Partinë Demokratike.

Deklarata e Bardhit:

"Është një proces statutor në PD, janë anëtarët e partisë të ftuar për të përzgjedhur kandidatët për deputetë më 11 maj. Kjo tregon se PD respekton vullnetin e anëtarëve dhe ndjek një proces demokratik të përzgjedhjes së kandiatëve përmes parimit ‘një anëtar, një votë’.

Ka pasur një fluks të jashtëzakonshëm për të shprehur vullnetin e tyre. Anëtarët të paraqiten, të marrin pjesë në votime e të shpallin vullnetin e tyre për kandidatët që kanë aplikuar në këtë proces të brendshëm demokratik të kësaj partie". /CNA