web counter
LEXO PA REKLAMA!

SHKARKO APP

App Store
Google Play

“Mos humbisni kohë, votoni”/ Këlliçi, thirrje demokratëve për Primaret: Fluks i jashtëzakonshëm

1 Mars 2025, 12:32, Politikë CNA

“Mos humbisni kohë, votoni”/ Këlliçi, thirrje

Drejtuesi politik i Partisë Demokratike për Tiranën, Belind Këlliçi, theksoi se procesi i Primareve po ecën në mënyrë të shkëlqyer me demokratët që kanë shprehur një interes të jashtëzakonshëm për të zgjedhur kandidatët për zgjedhjet e datës 11 maj. Këlliçi shtoi se procesi i Primareve do të shërbejë për të forcuar edhe më shumë Partinë Demokratike.

"U bëj thirrje të gjithë demokratëve të mos humbin kohë, të shkojnë drejt qendrës së votimit pasi duhet të marrin pjesë në proces duke shprehur vullnetin për kandidatin që ju pëlqen. Ka një interes të jashtëzakonshëm deri tani. Flitet për një shifër rreth 4200 votues që kanë votuar në rang qarku në të gjithë Tiranën në të 5-ta bashkitë, Tiranë, Kamëz, Rogozhinë e Vorë.

Ka një numër të lartë pjesëmarrësish edhe për shkak se numri i kandidatëve që kanë shprehur interes të bëhen pjesë e garës është i lartë, janë 82 kandidatë që janë sot në garë. Të gjitha qendrat e votimit të cilat ne po i monitorojmë gjatë gjithë kohës ka radhë votuesish dhe ky është një lajm mjaft i mirë.

Është një ushtrim i jashtëzakonshëm që bën Partia Demokratike dhe një rast i fuqizimit të PD që zgjedhin vetë kandidatët që duan të jenë përfaqësues e deri më tani nuk raportohen për asnjë incident përfshirë raste sporadike teknike të cilat janë të kalueshme.

U bëj thirrje të gjithë demokratëve të mos humbin kohë, të shkojnë drejt qendrës së votimit pasi duhet të marrin pjesë në proces, duhet vetëm një kartë anëtarësie, një mjet identifikimi ID ose pasaportë dhe në momentin që gjeni emrin në listën e votimit jeni të ftuar të shprehni vullnetin tuaj për kandidatin që ju pëlqen”, tha Këlliçi. /CNA





Lajmet e fundit nga