web counter
LEXO PA REKLAMA!

SHKARKO APP

App Store
Google Play

Gjiknuri tregon arsyet/ Pse pati garë për të zgjedhur kandidatin e Bashkisë së Vlorës

28 Mars 2023, 08:05, Politikë CNA
Gjiknuri tregon arsyet/ Pse pati garë për të zgjedhur kandidatin
Sekretari i Përgjithshëm i PS, Damian Gjiknuri

Sekretari i Përgjithshëm i PS-së, Damian Gjiknuri, ka zbuluar arsyet pse pati një garë për të zgjedhur kandidatin për Bashkinë e Vlorës.

I ftuar në emisionin “Debat”, Gjiknuri u shpreh se në Vlorë, PS ka dominuar ndaj opozitës dhe gara mes Ermal Dredhës dhe Fate Velajt ishte shumë e fortë dhe me një rezultat të ngushtë.

Një arsye tjetër ishte për shkak se Vlora ka pasur gjithnjë rezultatin më të thellë nga pikëpamja politike dhe ndaj ishte e rëndësishme që kandidati i kësaj bashkie të kishte interesin dhe vëmendjen maksimale.

“Vlora ka një karakteristikë ndryshe dhe unë e njoh mirë. Shumë njerëz dhe anëtarë të PS-së për shkak të dominancës absolute dhe investimeve serioze që ka bërë qeveria në këtë bashki, që e ka transformuar, e ka bërë interesin maksimal. Kështu që në pikëpamjen e përzgjedhjen është dashur elementi i mbështetjes lokale. 

Në Vlorë pati një ngushtim të garë. Fate Velaj kishte kohë që kishte nisur fushatën, por edhe zoti Ermal Dredha vinte si një diplomat që mund të sillte një dimension tjetër dhe garancinë për vijueshmërinë e punëve të mira aty. Vlora ka rezultatin më të thellë nga pikëpamja politike. Në zgjedhjet e fundit bashkia Vlorë ka rezultate të thella”, tha Gjiknuri./ CNA.al





Lajmet e fundit nga