web counter
LEXO PA REKLAMA!

SHKARKO APP

App Store
Google Play

Gazment Bardhi në krye të Grupit Parlamentar të PD-së

9 Shtator 2023, 13:35, Politikë CNA

Gazment Bardhi në krye të Grupit Parlamentar të PD-së

Gazment Bardhi pritet të jetë kryetari i Grupit Parlamentar të Partisë Demokratike të shumicës së deputetëve, mbi 40 deputet të cilët në parlament janë bashkuar dhe disa ditë më parë zhvilluan një takim dhe mbajtën një qëndrim për të unifikuar opozitën në betejën përballë qeverisë.

Burime zyrtare nga PD i thanë CNA se ka një dakordësi mes palëve për të kryer një proces votimi brenda deputetëve të Partisë Demokratike ku shumica janë mbështetës të zotit Berisha, ish-kryeministrit dhe një pjesë tjetër janë një grup deputetësh që janë ndarë me Lulzim Bashën.

Mund të quhen mbështetës të Gazment Bardhit por lëvizja e trye ka qenë pasi kanë refuzuar rikandidimin apo rikthimin e Bashës në krey të Partisë Demokratike dhe kanë kanë kërkuar që opozita Partia Demokratike të shkojë përmes një procesi bashkimi dhe jo ndarje siç veproi Lulzim Basha.

Të njëjtat burime theksuan për CNA se shumë shpejtë do të ketë një mbledhje tjetër në ditët në vijim të deputetëve të opozitës për të unifikuar një qëndrim, për të pasur një grup parlamentar dhe do të kryhet gjithashtu një proces formal votimi ku është menduar se njeriu kryesor që mund të marrë drejtimin e grupit është Gazment Bardhi.

Tek PD-ja e Berishës ka tashmë një ftesë disa herë të bërë publike për Gazment Bardhin, ashtu siç ka dhe disa qëndrime më të zbutura të zotit Bardhi dhe më i hapur për bashkëpunim dhe ecjen para të opozitës.

Gjithashtu theksojmë se një nga postet e PD-së, kreu i Grupit Parlamentar të PD-së së Berishës është pozicion i lirë, për shkak se Luçiano Boçi ka dhënë dorëheqje nga mandate i deputetit dhe për shkak se kandidoi për kryetar Bashkie në Elbasan. Dhe vakanca e bën edhe më të thjeshtë vendosjen e Gazment Bardhit në krye të Grupit Parlamentar të PD-së së bashkuar për të marrë më pas edhe postin e nënkryetarit të Partisë Demokratike duke bërë një shumicë absolute deputetësh të cilët mbështesin Berishën e Gazment Bardhin.

Lulzim Bashën po ngelet gjithnjë e më shumë me më pak deputet me më pak individ të cilët shpresojnë se në një të ardhme PD-ja e vulës së Lulit do të bëhet një forcë e madhe politike por qëndrimi i tyre atje duket i pashpresë është më shumë një parti me sekretarë dhe banda./ CNA





Lajmet e fundit nga