web counter
LEXO PA REKLAMA!

SHKARKO APP

App Store
Google Play

Furgoni me ndihma, kandidati i PS-së në Has: S’ka lidhje me zgjedhjet, ja ku po i çonte djali

18 Prill 2023, 15:05, Politikë CNA

 

Furgoni me ndihma, kandidati i PS-së në Has: S’ka lidhje me
Halit Mulaj

Kandidati i koalicionit “Bashkë Fitojmë” për Bashkinë Has, Miftar Dauti, denoncoi ditën e djeshme dy djemtë e kandidatit të PS-së, Halit Mulaj, të cilët, sipas tij, po shpërndanin ndihma me furgonin personal për të siguruar vota.

I ftuar në "Euronews Albania", kandidati i PS-së mohoi lajmin dhe tha se furgoni me ndihma po shkonte drejt magazinës së bashkisë për t’u shpërndarë më pas për familjet në nevojë për Natën e Kadrit.

Mulaj i cilësoi si tymnajë akuzat e bëra nga opozita dhe tha se ky rast nuk ka kurrsesi të bëjë me blerje votash.

“Është e vërtetë që furgoni i djalit tim është gjetur te magazina e bashkisë. Por, fakti që djali im është gjetur aty nuk është kjo pjesa që e akuzojnë se është kapur në vendngjarje. Unë nuk e di çfarë vendngjarjeje është ajo?! Mbrëmë ka qenë Nata e Kadrit dhe ato ndihma që po ngarkoheshin në furgonin e djalit tim kanë qenë për të marrë ato ndihma dhe për t’i çuar te magazina e bashkisë. Personi përgjegjës në bashki ka një listë me familjet në nevojë, të cilave u jepen ndihma për Natën e Kadrit, siç bëhet çdo vit. Është një gjë që mua më vjen zor për zhurmën që po bëhet për asgjë. Është një tymnajë që gjoja po bëhet një skandal për blerje votash. Furgoni i djalit tim nuk është ndaluar në rrugë nga ky zotëria, është parkuar vetë në qytet”, tha ai./Euronews Albania. 

 





Lajmet e fundit nga