web counter
LEXO PA REKLAMA!

SHKARKO APP

App Store
Google Play

E fundit!

x

Analiza e Muçës: Tirana ka lojtarë që godasin, Partizani të konsolidojë formacionin. Më çudit Vllaznia

18 Prill 2023, 14:48, Sport CNA

Shkëlqim Muça, i ftuari i përhershëm i emisionit “Rubrika Sportive”, ka analizuar javën e 28-të të “Abissnet Superiore”, shkëputjen e Tiranës nga Partizani, por dhe garën e fortë që po zhvillohet si për Europën ashtu dhe për mbijetesën.

“E kam thënë edhe më parë që ky muaj është shumë i rëndësishëm. E kam thënë që Tirana dhe Partizani do rivalizojnë deri në fund. Pesë pikë largësi nuk janë shumë, por nuk janë dhe pak”.

Fitorja bardheblu - “Ishte një ndeshje e bukur, ndikoi edhe terreni. Deri në shënimin e golit, Egnatia ishte një hap para. Më pas Tirana mori situatën në dorë dhe luajti më mirë. Dua të theksoj se rrogozhinasit kanë shumë cilësi përpara, ndërkohë që pas kanë mangësi. Po të shikosh dhe golin e dytë, ka vendosje gabim. Duhet shumë kujdes, sepse Tirana ka lojtarë që të godasin”.

Disfata e Partizanit – “U bënë disa ndeshje që ndodh e njëjta gjë, shënon gol dhe pastaj shuhet, i ikën loja nga dora. Skuadra duhet të ketë stabilitet në këtë fazë të katërt, trajneri nuk mund të ketë 18 apo 19 lojtarë që t'i aktivizojë, formacioni duhet të jetë i konsoliduar. Nëse aktivizon lojtarë që nuk kanë luajtur, atëherë i vendos nën presion. Nuk duhet të ketë shumë lëvizje, është një fazë ku ekipi duhet të ishte i konsoliduar. Trajneri duhet të vendosë, nuk duhet të bëjë shumë lëvizje në këtë moment”.

Luhatjet e Vllaznisë - “Më vjen çudi për Vllazninë, ndryshim total nga njëra ndeshjen në tjetrën. Luan mirë në shtëpi, por kur del jashtë nuk është një skuadër që të vret, shuhet. Kur larguan Josën pretendonin titullin, por tani janë 11 pikë larg. Duhet të luftojë me Egnatian për vendin e tretë”.





Lajmet e fundit nga