web counter
LEXO PA REKLAMA!

SHKARKO APP

App Store
Google Play

E fundit!

x

Rikthimet “ngrohin” Kolelën, italiani u beson edhe të rinjve në “sprintin” final

18 Prill 2023, 09:35, Sport CNA

Rikthimet “ngrohin” Kolelën, italiani u beson edhe të

Kampionati ka hyrë në një fazë shumë delikate dhe të luftuar, ku tashmë një gabim kushton shumë në garën për të arritur objektivat e tyre. Partizani pas 29 javësh e shikon vetën -5 nga Tirana kryesuese. "Demat" në javët e fundit kanë pasur edhe disa mungesa dhe gjendja e lojtarëve nuk ishte më e mira e mundshme.

Por duket se tashmë rikthimet nga dëmtimet e “ngrohin” Xhovani Kolelën për 7 “finalet” e mbetura. Cara, Atanaskovski që kishin probleme fizike në sfidën me Laçin treguan se tashmë janë gati për “sprintin” final. Ndërkohë edhe Maguet dhe Telushi kanë marrë ngarkesën e duhur dhe pritet që të jenë të gatshëm për sfidën ndaj Bylisit që do të luhet ditën e diel në stadiumin “Partizani”, ora 18:00.

Për shkak edhe të mungesave që të kuqtë kanë pasur, Kolela ka vendosur t’u besojë edhe të rinjve të akademisë. Në duelin me kurbinasit u aktivizua Orjel Murati. 21-vjeçari vjen nga Fieri dhe luan si sulmues i majtë. Në stol gjithashtu ishte edhe golashënuesi i ekipit U-21, Luis Birçaj. 19-vjeçari ka rënë kështu në syrin e Kolelës, ndërsa pret momentin e tij për të zbritur në fushën e lojës me fanellën e ekipit të parë të Partizanit.





Lajmet e fundit nga