web counter
LEXO PA REKLAMA!

SHKARKO APP

App Store
Google Play

Interi rikthen kujtimet e Katarit, vendim i pazakontë për ndeshjen ndaj Benfikës

17 Prill 2023, 18:30, Sport CNA

Inter do të presë të mërkurën Benfikën në “San Siro” për ndeshjen e kthimit në Ligën e Kampionëve. Në Milano pritet të mbërrijë një numër i konsiderueshëm i tifozëve nga Portugaia, të cilët duket se nuk janë dorëzuar edhe pas humbjes 0-2 në shtëpi.

Autoritetet italiane bëjnë me dije se pritet që të mbërrijnë rreth 6 mijë tifozë, pavarësisht se nuk do të ketë vend për të gjithë në stadium. Në këtë mënyrë, ata do të mbushin rrugët e Milanos dhe sheshet kryesore. Për të shmangur incidentet e ndryshëm që mund të vijnë nga tifozeria e Benfikës, italianët po marrin masa të rrepta për këtë takim.

Perfekti i Milanos, Renato Sakone u shpreh për mediat italiane se nuk do të lejohet shitja e pijeve alkoolike në sheshet pranë stadiumit dhe gjithashtu në rrugët që të çojnë drejt stadiumit. Nga këto masa, do të preken të gjitha restorantet, baret dhe supermarketet të cilat nuk do të tregojnë pije alkoolike me shishe dhe kanaçe. Kujtojmë që alkooli u ndalua edhe në Katar gjatë Botërorit, teksa kishte shumë polemika. Tashmë, mbetet të shihet se si tifozët do ta presin vendimin e autoriteteve italiane.





Lajmet e fundit nga