web counter
LEXO PA REKLAMA!

SHKARKO APP

App Store
Google Play

Ekskluzive/ Uzuni për CNA.al: Jam dy gola larg rekordit, pres transferimin e madh në verë!

17 Prill 2023, 18:14, Sport CNA
Ekskluzive/ Uzuni për CNA.al: Jam dy gola larg rekordit, pres transferimin
Myrto Uzuni

Myrto Uzuni vazhdon të shkëlqejë në Spanjë me ekipin e Granadës. Futbollisti i kombëtares shqiptare ka shënuar në ndeshjen e fundjavës golin e 21-të të tij personal në kampionatin e La Liga 2. Futbollisti i kombëtares shqiptare ka tundur rrjetën në duelin ndaj Las Palmas, një kundërshtari direkt për Granadan për ngjitjen në La Liga.

Ky ishte goli i 21-të i sezonit, vetëm 2 gola larg shifrës 23 që është edhe rekordi i klubit të Granadës sa i përket rrjetave të tundura nga një futbollist i vetëm. Futbollisti ka dhënë një prononcim ekskluziv për CNA.al, ku u shpreh se e ka synim thyerjen e rekordit, ndërsa tha se kjo formë e jashtëzakonshme vjen si rezultat i punës së tij të palodhur. Uzuni tregoi gjithashtu se pret një transferim të bujshëm në merkaton e verës.

"Kam shënuar 21 gola deri tani në kampionat dhe ndihem shumë mirë, pasi kjo vjen si rezultat i një pune të madhe nga ana ime, gjithashtu edhe falë një regjimi të jashtëzakonshëm. Jam shumë i lumtur me veten time. Momentalisht jam vetëm dy gola larg rekordit dhe jam i fokusuar që në çdo ndeshje të shënoj sa më shumë dhe të ndihmoj ekipin për t'u ngjitur në La Liga. Fitorja ndaj Las Palmasit ishte e rëndësishme pasi vjen ndaj një rivali direkt dhe shumë të vështirë.

E ardhmja Sa i përket së ardhmes, kjo mbetet të shihet në merkaton e verës, pasi unë kam shumë oferta dhe për këtë jam i vetëdijshëm. Gjithsesi, jam i fokusuar te Granada që të jap maksimumin dhe të shënoj sa më shumë gola deri në fund të sezonit."/ CNA.al





Lajmet e fundit nga