web counter
LEXO PA REKLAMA!

SHKARKO APP

App Store
Google Play

Dredha: Kritikat e Ramës për hapësirat publike në Vlorë i shërbejnë qytetit

7 Korrik 2025, 21:47, Politikë CNA

Dredha: Kritikat e Ramës për hapësirat publike në Vlorë

Kryebashkiaku i Vlorës, Ermal Dredha u shpreh sot se situata me lirimin e hapësirave publike në qytet nuk mund të vazhdojë pafundësisht, pasi problematika është e trashëguar prej vitesh.

I ftuar në emisionin ‘Noë’ me gazetaren Erla Mëhilli, Dredha zbuloi se gjatë këtij aksioni janë vendosur edhe gjoba.

Sa i përket kritikave nga kryeministri Edi Rama, Dredha u shpreh se është mëse normale dhe e konsideroi si diçka pozitive.

“Kjo situatë nuk mund të vazhdojë pafundësisht, pasi problematika është e trashëguar prej vitesh. Të gjithë zyrtarët që punojnë në administratën bashkiake duhet të jenë sy e vesh në monitorimin e hapësirave publike. Funksionarët duhet të jenë të kujdesshëm në ndjekjen e detyrës, ndërsa gjatë inspektimeve në terren kuptuam se disa prej tyre nuk e kishin përmbushur misionin e tyre. Janë marrë masa me gjoba, ndërkohë që vetë bizneset kanë ndërmarrë hapin për të liruar hapësirat që kishin zaptuar ose, thënë ndryshe, të marra peng. Po mendojmë që tendat të unifikohen për t’i sjellë në standard, ashtu siç ka qenë parashikuar në projektin e Lungomares. Ne bëmë një analizë, pasi bashkërendojmë punën me qeverinë për të mirën e qytetit dhe shkëmbejmë ide e mendime. Kërkesa për llogari është mëse normale nga ana e kryeministrit, sepse ai ka dëshirën e mirë për t’i shërbyer qytetit. Nuk ka asgjë problematike në këtë pjesë, përkundrazi, është diçka pozitive. Nuk është e vërtetë se kryeministri u ka kërkuar dorëheqjen drejtorëve dhe as nuk i ka takuar”,-tha Dredha./CNA

 





Lajmet e fundit nga