web counter
LEXO PA REKLAMA!

SHKARKO APP

App Store
Google Play

Teliti: Prej 7 muajsh mungon transparenca për tenderin e Thesarit të Shtetit

7 Korrik 2025, 20:57, Politikë CNA

Teliti: Prej 7 muajsh mungon transparenca për tenderin e Thesarit të

Këshilltari për Çështjet Ekonomike në Partinë Demokratike, Dorian Teliti ka reaguar sot lidhur me vonesën për një periudhë prej 7 muajsh dhe mungesën e transparencës në tenderin për sistemin e ri të Thesarit të Shtetit.

Përmes një postimi në rrjetet sociale, Teli shkruan se tenderi publik u shpall nga autoriteti kontraktor në datën 26 dhjetor 2024 dhe ngre shqetësimin se edhe pas 7 muajsh kjo procedurë ende nuk ka mbaruar.

“Sot dua të ngrej një shqetësim real, mbi vonesat e pashpjegueshme në procedurën e tenderimit që AKSHI po kryen për tenderin “Përmirësimi i Sistemit të Thesarit”.
Për kujtesë të qytetarëve, gjatë qeverisjes PD 2005-2013, konkretisht në vitin 2008 sistemi i thesarit u digjitalizua plotësisht (ngjarje historike në menaxhimin e financave publike), sistem i cili vazhdon ende sot të përdoret nga Ministria e Financave dhe degët e thesarit anembanë vendit.
Vitin e kaluar, Qeveria, Ministria e Financave dhe AKSHI vendosën që të ndërtojnë një sistem të ri të thesarit të shtetit (shumë i drejtë ky vendim pasi që prej 2008 deri më sot ka patur zhvillime galopante në fushën e TIK), duke hartuar termat e referencës për një sistem të ri të përmirësuar krahasuar me aktualin.
Tenderi publik u shpall nga AKSHI (autoriteti kontraktor) në datën 26 dhjetor 2024. Por ndryshe nga cfarë ndodhi në 2008, ku procedura e tenderimit u krye sipas afateve brenda një periudhe 2-3 mujore, konstatojmë se kjo gjë nuk po ndodh me procedurën aktuale të shpallur që prej dhjetorit të kaluar. Ende deri më sot, ndonëse bëhet fjalë për një shërbim JETIK për financat publike dhe ekonominë në përgjithësi, kjo procedurë nuk është përfunduar, duke hapur shtegun për “interpretime” nga më të ndryshmet mbi arsyet reale të kësaj vonese të pajustifikuar disa mujore.
 Natyrshem lindin pyetjet për të cilat lypset përgjigje nga autoritet përkatëse, duke filluar nga AKSHI:
1. Si është e mundur që edhe pas 7 muajsh kjo procedurë ende nuk është përfunduar?
2. Pse kjo “ngrirje” e procesit të tenderimit?
3. Kjo vonesë disa mujore deri në “ngrirje të procesit të tenderimit” a mos lidhet me qëllime okulte për të “futur duart” apo “shtënë në dorë” sistemin e ri të thesarit?
4. A mos ka zvarritje të procedurës me qëllimin final “fabrikimin e ndonjë fituesi”? Nisur nga thashethemet në korridoret dhe kafenete e institucioneve, që “gumëzhojnë për disa klientela të favorizuara në tenderimet e TIK”, me këto vonesa disa mujore a mos po “shtrohet rruga” për ndonjë “fitues të paracaktuar” për këtë projekt të rëndësisë kombëtare?
5. Dhe e fundit, kjo vonesë 7 mujore ka ndodhur vetëm për këtë procedure, apo është “praktikë e zakonshme” edhe për procedurat e tjera të tenderimit të kryera apo ende në proces nga AKSHI?
Për të gjitha këto pyetje lypsen përgjigje të qarta dhe shteruese, pasi të shumtë janë ata që kanë dyshimet e tyre për mungesë transparence, cënim të integritetit të procedurës tenderuese, papërgjegjshmëri të disa hallkave qeverisëse me tendenca për kapje të hallkave shtetërore dhe shërbimeve të tyre, praktika korruptive në kurriz të interesit publik dhe arkës së shtetit, etj.
Vetëm një gjë ka rëndësi sot, që procedura “Për Sistemin e Ri të Thesarit të Shtetit” të jetë transparente dhe të ketë garë të ndershme midis operatorëve të ndryshëm që kanë kapacitetet reale për të ofruar këtë shërbim të rëndësisë kombëtare, me cilësinë më të lartë të mundshme dhe me koston më të ulët buxhetore në kurriz të taksapaguesve shqiptare”,-shkruan Teliti./CNA





Lajmet e fundit nga