web counter
LEXO PA REKLAMA!

SHKARKO APP

App Store
Google Play

Rama, kërkesë Ministrisë së Drejtësisë dhe KLP-së: Të veprohet menjëherë ndaj prokurores

7 Korrik 2025, 13:38, Politikë CNA

Rama, kërkesë Ministrisë së Drejtësisë dhe

Kryeministri Edi Rama, përmes një komunikimi në rrjetet sociale, ka bërë me dije se i ka kërkuar Ministrisë së Drejtësisë dhe KLP-së të veprojnë menjëherë ndaj prokurores Elsa Gjeli.

Sipas Ramës, prokurorja i ka shkaktuar dëm Republikës së Shqipërisë duke mos nisur një çështje penale ndaj një subjekti, i cili pa leje ka ndërtuar një fshat të vogël turistik në mes të Thethit, duke u kthyer në një problem për komunitetin.

Për Ramën, prokurorja Elsa Gjeli është e padenjë të vazhdojë të paguhet nga taksapaguesit shqiptarë.

“Një prokurore e Shqipërisë para trajtimit të një krimi mjedisor dhe krimit ndaj pronës publike, të një krimi ndaj një zone ligjërisht të mbrojtur nga ligji specifik i Republikës së Shqipërisë të përsiatet në një jermi si ai që lexova dhe që është pjesë e një rroi psikik të pashtershëm në formën e një vendimi të mosfillimit të çështjes penale.

Ndërkohë që gjithë ai komunitet ndihet i përdhunuar nga një individ që mu në mes të Thethit ka ngritur fshatin e tij turistik pa leje dhe ndërkohë për zonjën Gjeli nuk përbën vepër penale. Zonja Gjeli është një kulminacion i një zinxhiri jo të shkurtër hallkash të përbëra nga vendime skandaloze të prokurorëve.

I kam kërkuar Ministrisë së Drejtësisë të veprojë menjëherë ndaj zonjës Gjeli që ka lënë në baltë shtetin, strukturat që përpiqen të ruajnë kufijtë e ligjit dhe është e padenjë për të qenë e paguar nga taksapaguesit shqiptarë.

Kam kërkuar që çështja e saj t’i përcillet KLP-së që duhet të shikojë dëmin e madh që i ka sjellë mosfillimi i çështjes penale Republikës së Shqipërisë dhe të shikojë nëse zonja Gjeli është apo jo e denjë të vazhdojë të paguhet nga taksapaguesit shqiptarë.

Ky është vetëm rasti i parë, paguhen më shumë se mjekët, mësuesit dhe punonjësit e policisë dhe tradhtojnë me paaftësinë e tyre me paturpësi interesat e Republikës së Shqipërisë dhe qytetarëve të këtij vendi”, tha Rama./ CNA





Lajmet e fundit nga