web counter
LEXO PA REKLAMA!

SHKARKO APP

App Store
Google Play

Situata klasike “tokë e xanun” në Tiranë/ Rama paralajmëron zaptuesit e hapësirave publike

5 Korrik 2025, 13:37, Politikë CNA
Situata klasike “tokë e xanun” në Tiranë/ Rama
Foto e publikuar nga Rama në "X"

Kryeministri Edi Rama, me dorë të hekurt, ka paralajmëruar se do të ndërmerren veprime ndaj atyre që shkelin ligjin dhe zaptojnë hapësirat publike.

Përmes një postimi në platformën "X" ka publikuar pamje nga hapësirat e zëna në zonën e 21 Dhjetorit në Tiranë.

Rama paralajmëron se çdokush që zapton hapësirat publike do të ballafaqohet jo vetëm me gjobat përkatëse po edhe me ndjekjet përkatëse penale për shkatërrim të pronës publike, cenim të shëndetit e sigurisë fizike së qytetarëve dhe me radhë.

“Situatë klasike 'toke të xanun' në Tiranë, tek 21 Dhjetori - kush nuk do t’i tërheqë vetë nga hapësira publike e përbashkët barrikadat që u ka ngritur njerëzve me gjithëfarësoj objektesh, që nga tavolinat dhe frigoriferët në trotuarë e deri tek muret apo trarët e 'doganave' rreth pallateve, do të ballafaqohet jo vetëm me gjobat përkatëse po edhe me ndjekjet përkatëse penale për shkatërrim të pronës publike, cënim të shëndetit e sigurisë fizike së qytetarëve dhe me radhë… Koha për t’u bërë bashkë që të gjithë në emër të bashkëjetesës në të njëjtën lagje; shumica duke marrë mbrapsht atë që i takon dhe pakica duke kthyer mbrapsht atë që nuk i takon!”, shkruan Rama./ CNA





Lajmet e fundit nga