web counter
LEXO PA REKLAMA!

SHKARKO APP

App Store
Google Play

“Paratë janë në xhepat e politikanëve”/ Meta: Bujqësia me kredi është thjesht një mashtrim i ri

4 Korrik 2025, 22:00, Politikë CNA

“Paratë janë në xhepat e politikanëve”/ Meta:

Kreu i Partisë së Lirisë, Ilir Meta ka ndarë një reagim lidhur me sektorin bujqësor.

Përmes një komunikimi nga qelia, Meta shprehet se miliona euro para të dhuruara për fermerët nga Bashkimi Europian, përfunduan në xhepat e "investitorëve strategjikë" për pishina vilash dhe resortesh.

Sipas Metës, programi i qeverisë për kreditim ndaj bujqësisë, është thjesht një mashtrim i ri.

“Miliona euro para të dhuruara për fermerët tanë nga Bashkimi Europian, përfunduan në xhepat e "investitorëve strategjikë" për pishina vilash dhe resortesh.

Nuk u ndalën në babëzinë e tyre, aq sa edhe 310 mijë euro për Bujqësinë, u zhvatën nga një punonjës i inceneratorit inekzistent të Tiranës, të cilin e shndërruan në fermer për t'i kaluar paratë.

Ndërkohë zero fonde për blegtorinë, zero fonde për serat, frutikulturën dhe agro-përpunimin.

Përballë këtij korrupsioni galopant, BE ndërpreu edhe për dy vitet e ardhshme grantet për Bujqësinë.

Plot 120 milionë euro para të dhuruara ju hoqën fermerëve tanë, sepse BE kërkon të kthehen pas paratë e korrupsionit.

Ndërkohë vazhdon tallja me fermerët, blegtorët dhe agro-përpunuesit, duke u premtuar kredi me fonde sovrane.

Pra meqenëse paratë e falura nga BE për ju të dashur fermerë përfunduan në xhepat e korrupsionit, atëherë Kreu i Organizatës ju fton të aplikoni për kredi sovrane ashtu siç ju gënjeu edhe në vitin 2015, me të njëjtën mënyrë dhe me të njëjtin mashtrim banal.

Jemi i vetmi vend në Europë ku Bujqësia merr zero fonde europiane, ndërkohë që Serbia përfiton plot 280 milion euro.

Jemi i vetmi vend në Europë që shtyp prodhimin vendas me tatim vlerë të shtuar 20 përqind.

Nuk ka Bujqësi në BE që financohet me kredi, por vetëm me para të drejtpërdrejta të dhuruara.

Prandaj "Bujqësi me Kredi", është thjesht një Mashtrim i Ri”,-shprehet Meta./CNA

 

 





Lajmet e fundit nga