web counter
LEXO PA REKLAMA!

SHKARKO APP

App Store
Google Play

E fundit!

x

“Votuesit kontrolloheshin me kamera mbi kokë”/ Berisha publikon videot e 11 majit në Krujë

4 Korrik 2025, 15:49, Politikë CNA

“Votuesit kontrolloheshin me kamera mbi kokë”/ Berisha publikon

Kreu i Partisë Demokratike, Sali Berisha, ka publikuar sot disa video, përmes së cilave ngriti pretendimin për farsë elektorale në Krujë.

Në një konferencë për mediat nga selia e PD-së, Berisha deklaroi se nga pamjet duket qartë se votuesit kontrolloheshin me kamera gjatë votimit më 11 maj.

“Tani, rikthehemi tek problemi themelor, shkatërrimtar për Shqipërinë dhe shqiptarët. Farsa elektorale 11 maj 2025.

Në themel të shkretimit të Shqipërisë, të përgjysmimit në 10 vite të popullatës së saj.

Në themel të rritjes së madhe të varfërisë në këtë vend.

Në themel të dominimit total të Shqipërisë nga kartelet e drogës dhe krimi, qëndron mungesa e votës së lirë të shqiptarëve me një ndërthurje të këtyre faktorëve, ndaj dhe PD është e vendosur të paraqesë para shqiptarëve të gjithë farsën e shëmtuar që ndodhi më 11 maj, me besimin e plotë se do të jetë një motiv i madh për ta për t’u ngritur dhe rivendosur me çdo çmim dhe me çdo kusht votën e lirë në Shqipëri, për t’u përballur me narkoshtetin.

Sot, këtu kemi video, nga një seri qendrash të Bashkisë së Krujës, ku ju do të shihni se si u votua në këtë bashki, ndërkohë që, policia politike e patronazhistëve kontrollonte në mënyrë antiligjore, antikushtetuese votën e qytetarëve, ose qytetarët votonin kolektivisht, ose votonin duke pasur kamerat mbi kokë, në mënyrë që t’u lexohej vota.

Kjo është fshehtësia e votës”,-tha Berisha.





Lajmet e fundit nga