web counter
LEXO PA REKLAMA!

SHKARKO APP

App Store
Google Play

E fundit!

x

Bylykbashi: Ja ku e keni turpin e Elbasanit, digjen plehrat dhe inceneratori nuk funksionon

3 Korrik 2025, 21:43, Politikë CNA

Bylykbashi: Ja ku e keni turpin e Elbasanit, digjen plehrat dhe inceneratori nuk

Deputeti i zgjedhur i PD-së për Qarkun e Durrësit, Oerd Bylykbashi komentoi sot lidhur me zjarret pranë inceneratorit të Elbasanit.

I ftuar në një emisioni në ‘Syri Tv’, Bylykbashi u ndal te interesat me të cilat lidhen kontratat, koncensionet dhe PPP-të dhe zvarritjet e proceseve të tyre gjyqësore.

“E gjithë kjo histori duhet parë si një produkt me konceptin se si Edi Rama në 2013 erdhi në pushtet. Erdhi me ide shumë të qarta. Pra nëse PPP ishin ende diçka teorike, koncesionet ishin të rralla. Më pas ai erdhi me një teori që qeveriset nëpërmjet. Dhe një nga këto gjëra që ka këto si instrumentat juridik dhe ekonomik për të qeverisur, janë që kanë afate aq të gjata që kapërcejnë mandate qeverisëse normën 4-vjeçare. Që të vendosësh kontrata, kaq shumë interesa, me kaq shumë guxim me një plan qeverisëse grabitqare, duhet të garantosh dy gjëra ose të shpartallosh zgjedhjet, ose të marrësh nën kontroll drejtësinë. Sepse përndryshe zgjedhjet prodhojnë rotacion dhe ti nuk ke garancinë e atij investimit që ai do të qëndrojë, qeveria pasardhëse do të qëndrojë në të njëjtat terma. Dhe nga ana tjetër drejtësia mund të të shkaktojë probleme dhe i gjithë ai interes bie. Të dyja këto kanë ndodhur. Ka ndodhur reforma në drejtësi që shpartalloi sistemin e drejtësisë atë që ne me zorr e kishim arritur, deri në një pikë të caktuar. Të gjithë problemet që kishte me korrupsionin brenda, ineficencën, por synimi që ja ku jemi sot që ka rënë i tërë sistemi dhe është kolapsuar. Kush hyn sot në një proces gjyqësor do të dalë pas 14-vjetësh. Dhe e dyta janë zgjedhjet, zgjedhjet e 11 majit janë vetëm viktima në këtë lloj koncepti. Pra që ti të arrish në konceptet e këtij lloji duhet një guxim i madh që shqiptarët kishin bërë në 30 vjet, për sa i përket shtetit të së drejtës, demokracisë pluralizmit e të tjerë. Edi Rama këtë gjë e mori parasysh. Dhe me këtë lloj guximi kriminal mund të konceptosh të tilla situata. Tani e vetme histori e inceneratorëve. Ja ku e keni turpin e Elbasanit, pra digjen plehrat dhe inceneratori nuk funksionon”,-tha Bylykbashi./CNA





Lajmet e fundit nga